“Lutilirani Kughanaghanira Vinthu Ivi”

Vinthu wuli? Lemba la Ŵafilipi 4:8 likuti tighanaghanirenge vinthu vyaunenesko, vinthu vyose vyakuzirwa, vinthu vyose vyaurunji, vinthu vyose vyakutemweka, vinthu vyose vya mbiri yiwemi, nkharo yiliyose yiwemi, na vinthu vyose vyakulumbika. Fundo iyi yikung’anamura kuti Mkhristu nyengo zose wakhalirenge waka kughanaghanira Malemba yayi. Ndipouli ntchiwemi kuti vinthu ivyo tikughanaghana vikondweskenge Yehova. Ntchiwemi yayi kughanaghanira vinthu ivyo vingatipangiska kuti tileke kugomezgeka kwa Yehova.—Sal 19:14.

Nyengo zinyake chikuŵa chakusuzga kukanizga maghanoghano ghaheni. Vili nthena chifukwa chakuti tikulimbana na thupi lithu lakwananga kweniso Satana uyo ni “chiuta wa nyengo iyi.” (2 Kor 4:4) Chifukwa chakuti Satana ndiyo wakulongozga vinthu ivyo vikuchitika mu charu, vinandi mwa vinthu ivyo vikuŵa pa TV, pa wayilesi, pa intaneti kweniso mu mabuku ni viheni. Usange tikusankha makora yayi vinthu ivyo tikunjizga mu maghanoghano ghithu, tingamba kughanaghana viheni, ndipo paumaliro tingamba kuchita vinthu viheni.—Yak 1:14, 15.

WONELERANI VIDIYO YAKUTI GEGANI IVYO VINGATITONDESKA KUGOMEZGEKA—VYAKUSANGULUSKA VIHENI, NDIPO PAMANYUMA ZGORANI MAFUMBO GHKULONDEZGAPO AGHA:

• 

  Kasi mubali uyu wakawoneleranga vichi pa foni yake, ndipo ivi vikamukhwaska wuli?

• 

  Kasi malemba agha, Ŵagalatiya 6:7, 8 kweniso Masalimo 119:37 ghakamovwira wuli?