Kasi Tingasambirako Vichi ku Sumu Zapadera?

Kasi ni sumu wuli zapadera izo imwe mukutemwa? Chifukwa wuli mukuzitemwa? Kasi mukuwona kuti ivyo vili mu sumu izi ni ivyo vikuchitika pa umoyo wa zuŵa na zuŵa? Sumu izi zikwimbika mu nthowa zakupambanapambana mwakuti waliyose wangazitemwa. Kweni sumu izi ni zakuti tikondwenge nazo waka yayi.

Sumu yiliyose yikuŵa na fundo yakuti tingasambirapo na kugwiliskira ntchito mu uteŵeti kweniso pa umoyo withu. Sumu zinyake zikutisambizga vya kupokelera ŵalendo, kukolerana na ŵanyithu, ubwezi, chikanga, chitemwa, kweniso chipulikano. Ndipo zinyake zikuyowoya vyakuwelera kwa Yehova, kugowokerana, kuŵa ŵakugomezgeka kweniso umo tingachitira kuti tisazgireko uteŵeti withu. Kweniso pali sumu yinyake iyo yikuyowoya vya umo tingagwiliskira ntchito foni mwamahara. Kasi imwe sumu zapadera izi zamovwirani wuli?

WONELERANI VIDIYO YA SUMU YA MUTU WAKUTI PARADISO WALI PAFUPI, PAMANYUMA DUMBISKANANI MAFUMBO GHAKULONDEZGAPO AGHA:

• Kasi ni vitumbiko wuli vyamunthazi ivyo mbumba yichekuru yaghanaghanirangapo?—Ge 12:3

• Kasi tikuchita wuli kuti tilutilire kugomezga kuti Yehova wafiskenge nadi ivyo walayizga?

• Kasi sonosono apa tipokelerenge anjani?

• Kasi chigomezgo cha Ufumu wa Chiuta chikutovwira wuli kuzizipizga masuzgo agho tikukumana nagho pasono?—Ro 8:25