Ŵani Maso Apo Umaliro Waneng’enera

CHIFUKWA WULI NTCHAKUZIRWA KUŴA MASO: Sonosono apa pachitikenge vinthu vyakofya ivyo vindachitikepo na kale, ivyo vitiyezgenge usange tili na chikanga kweniso tikugomezga Yehova. Visopa vyautesi ndivyo vizamwamba kuparanyika para suzgo yikuru yayamba. (Mt 24:21; Chiv 17:16, 17) Panyengo yakusuzga iyi, tikwenera kuti tizamupharazganga uthenga wakuŵinya wa cheruzgo. (Chiv 16:21) Ndipo Gogi wa Magogi wazamutiwukira. (Eze 38:10-12, 14-16) Kuti Yehova wavikilire ŵanthu ŵake wazamwambiska nkhondo. Iyi ni “nkhondo ya zuŵa likuru la Chiuta Wankhongonozose.” (Chiv 16:14, 16) Kuti tizakachite vinthu mwachikanga kunthazi, ipo sono tikwenera kugomezgeka para tasangana na chiyezgo.

UMO TINGACHITIRA:

• Mukhozgerenge fundo za Yehova mwachikanga.—Yes 5:20

• Lutilirani kuwungana na Ŵakhristu ŵanyinu.—Heb 10:24, 25

• Mupulikirenge ulongozgi wakufuma ku gulu la Yehova mwaluŵiro.—Heb 13:17

• Mughanaghanirenge umo Yehova wakavikilira ŵanthu ŵake kumanyuma.—2Pe 2:9

• Mulombenge kwa Yehova na kumugomezga.—Sa 112:7, 8

WONELERANI VIDIYO YA MUTU WAKUTI VYAKUCHITIKA VYAMUNTHAZI IVYO TIZAMUKHUMBIKWIRA KUTI TIKHWIME MTIMA—YAKUDUMURA, NA KUZGORA MAFUMBO GHAKULONDEZGAPO AGHA:

• 

  Kasi ŵapharazgi ŵakayezgeka wuli pa nkhani ya kupulikira, mpingo wati wagaŵika?

• 

  Kasi pali kukolerana wuli pakati pa chikanga na kupulikira?

• 

  Chifukwa wuli tizamukhumbikwira chikanga pa nyengo ya Haramagedoni?

• 

  Kasi ntchiyelezgero wuli cha mu Baibolo icho chingatovwira kuŵa na chigomezgo kuti Yehova wangativikilira?—2Mi 20:1-24