Chenjerani Kuti Muleke Kuthandazga Mautesi

Mazuŵa ghano nkhani zikuthandazgika luŵiro chomene. Zikuthandazgika kwizira mu mabuku, manyuzipepara, wayilesi, TV, kweniso pa Intaneti. Ŵanthu awo ŵakusopa “Chiuta waunenesko” ŵakwenera yayi kuthandazgako nkhani zautesi, kwali ni mwambura kumanya panji yayi. (Sa 31:5; Ek 23:1) Nkhani zautesi para zathandazgika kanandi zikupweteka ŵanji. Kuti mumanye usange nkhani njaunenesko panji yayi, jifumbani kuti:

• ‘Kasi nkhani iyi yafuma kwa munthu uyo nkhumugomezga?’ Nyengo zinyake uyo wakutiphalira nkhani, wakuŵa kuti wakumanya vyose yayi. Nkhani para yikuthandazgika, kanandi unenesko wake ukusintha. Ntheura tikwenera kuŵa maso usange tikumanya makora yayi uko nkhani yafuma na apo yayambira. Awo ŵali na maudindo mu mpingo ndiwo ŵakwenera kuŵa maso chomene kuti ŵaleke kuphalira ŵanthu nkhani iyo unenesko wake ukumanyikwa makora yayi, chifukwa ŵanthu ŵakuŵagomezga chomene

• ‘Kasi nkhani iyi yingananga mbiri ya ŵanji?’ Usange nkhani yikunanga mbiri ya munthu, panji gulu linyake la ŵanthu, ntchiwemi kuleka waka kuyiyowoya.—Zi 18:8; Fil 4:8

• ‘Kasi nkhani iyi ningayigomezga?’ Tikwenera kuŵa maso para ŵanji ŵakutiphalira nkhani, panji ivyo vikaŵachitikira nanga vingaŵa kuti tanweka navyo chomene

WONELERANI VIDIYO YA MUTU WAKUTI KASI NINGAGEGA WULI KUSESA? NA KUZGORA MAFUMBO GHAKULONDEZGAPO AGHA:

• 

  Kuyana na lemba la Zintharika 12:18, kasi mazgu ghangapweteka wuli ŵanji?

• 

  Kasi lemba la Ŵafilipi 2:4 likutovwira wuli kuti tighanaghanirengepo dankha para tikuyowoya nkhani za ŵanji?

• 

  Kasi tikwenera kuchita wuli para ŵanthu ŵamba kuyowoya viheni vya ŵanji?

• 

  Pambere tindambe kuyowoya vya ŵanji, kasi ni mafumbo wuli agho tikwenera kujifumba?