Chinthu Chakuzirwa Chomene mu Chihema

25:9, 21, 22

Chinthu chakuzirwa chomene mu chihema kweniso mu misasa ya Ŵaisrayeli likaŵa likasa. Pakati pa ŵakerubi awo ŵakaŵa pachanya pa likasa, pakaŵanga bingu ilo likimiranga kuŵapo kwa Chiuta. Pa Zuŵa la Mphepiska ilo likaŵangako kamoza pa chaka, wasembe mukuru wakanjiranga mu Malo Ghatuŵa Chomene na kunthonyezga ndopa za ng’ombe yanalume panji za mbuzi pa chibenekelero cha likasa kuti zakwananga za Ŵaisrayeli zigowokereke. (Le 16:14, 15) Ivi vikimiranga waka ivyo Yesu wakachita pakuŵa Wasembe Mukuru chomene. Yesu wakanjira mu Malo Ghatuŵa Chomene gha Yehova kuchanya na kupeleka mtengo wa sembe yake.​—Heb 9:24-26.

Yaniskani malemba agha na vyandulo ivyo tikusanga chifukwa cha sembe yakuwombora:

MALEMBA

• 1Yo 1:8, 9

• Heb 9:13, 14

• Ro 6:23

VYANDULO

• chigomezgo cha kuzakakhala kwamuyirayira

• kugowokereka zakwananga zithu

• kuŵa na njuŵi yituŵa

Kasi tingachita wuli kuti tisange vitumbiko ivi?