LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • mwb20 Disembala p. 7
  • Kasi Mukukhumba Kulemberako ku Sukulu ya Ŵapharazgi ŵa Ufumu?

Vidiyo palije.

Phepani, pali suzgo linyake.

  • Kasi Mukukhumba Kulemberako ku Sukulu ya Ŵapharazgi ŵa Ufumu?
  • Kabuku ka Maungano ka Uteŵeti na Umoyo Wachikhristu—2020
  • Nkhani Zakuyanako na Iyi
  • Kusambizga Ŵateŵeti ŵa Ufumu
    Ufumu wa Chiuta Ukuwusa!
  • Pemphani Kuti Mukanjire Sukulu ya Ŵapharazgi ŵa Ufumu
    Kabuku ka Maungano ka Uteŵeti na Umoyo Wachikhristu—2022
  • Kuchita Umishonale “ku Vigaŵa Vyakutali Chomene vya Charu Chapasi”
    Umo Vyawanangwa Vinu Vikugwilira Ntchito
  • Kasi Ŵapayiniya Ŵakusambira Vichi?
    Mbanjani Ŵakuchita Khumbo la Yehova Mazuŵa Ghano?
Wonani Vinyake
Kabuku ka Maungano ka Uteŵeti na Umoyo Wachikhristu—2020
mwb20 Disembala p. 7
Ŵasambiri ŵali ku Sukulu ya Ŵapharazgi ŵa Ufumu.

UMOYO WACHIKHRISTU

Kasi Mukukhumba Kulemberako ku Sukulu ya Ŵapharazgi ŵa Ufumu?

Kasi muli na vyaka vyapakati pa 23 na 65 ndipo mukuchita uteŵeti wanyengo zose? Kasi mukulwaralwara yayi, ndipo muli ŵakunozgeka kukateŵetera kulikose uko kukukhumbikwira wovwiri? Usange mafumbo agha mwazgora kuti enya, kasi muli kughanaghanapo vyakulemberako ku sukulu iyi? Kufuma waka apo kilasi lakwamba likachitikira, ŵabali na ŵadumbu masauzandi ghanandi ŵali kulemberako. Awo ŵakulemberako ku sukulu iyi, mbakutorana kweniso ŵabali na ŵadumbu awo ŵandanjire mu nthengwa. Kweni chomene tikukhumba ŵabali ŵambura kutora. Lombani Yehova kuti wasazgireko khumbo linu lakuti mumukondweskenge kweniso kuyezga Yesu. (Sa 40:8; Mt 20:28; Heb 10:7) Pamanyuma ghanaghanirani nthowa izo mungachepeskerako vyakujandizga vinyake na chilato chakuti muŵe ŵakwenelera kulemberako sukulu iyi.

Kasi ni mwaŵi wuli uwo ukujulika kwa awo ŵasambira sukulu iyi? Ŵanji awo ŵamalizga sukulu iyi ŵakutumizgika kuti ŵakateŵetere ku malo uko ŵanthu ŵakuyowoya viyowoyero vinyake, panji kukapharazga mu malo agho mukusangika ŵanthu ŵanandi. Ŵanyakeso para ŵamara sukulu iyi ŵakuŵa ŵalaŵiliri ŵadera, ŵalaŵiliri ŵadera ŵakovwira, panji ŵamishonale. Apo mukughanaghanirapo ivyo mungachita pakuteŵetera Yehova, ŵani na mtima nga wa Ntchimi Yesaya wakuti: “Ndine pano. Nitumani!”—Yes 6:8.

WONELERANI VIDIYO YA MUTU WAKUTI ŴAMISHONALE ŴAKUCHITA MULIMO WA VUNA, NA KUZGORA MAFUMBO GHAKULONDEZGAPO AGHA:

  • Vithuzi vya mu vidiyo ya mutu wakuti ‘Ŵamishonale Ŵakuchita Mulimo wa Vuna.’ Mbumba iyo yikuchita umishonale yili mu upharazgi yikwenda.

    Kasi ŵamishonale ŵakusankhika wuli?

  • Vithuzi vya mu vidiyo ya mutu wakuti ‘Ŵamishonale Ŵakuchita Mulimo wa Vuna.’ Mudumbu uyo wakuchita umishonale wali na mudumbu munyake ndipo ŵakusambira Baibolo na mwanakazi.

    Kasi ŵamishonale ŵakuchita mulimo wuli wakuzirwa?

  • Vithuzi vya mu vidiyo ya mutu wakuti ‘Ŵamishonale Ŵakuchita Mulimo wa Vuna.’ Mbali uyo wakuchita umishonale mu gawo la chiyowoyero cha mawoko wakudumbiskana na mbali munyake fomu yakupempha uteŵeti wapadera.

    Kasi ni vitumbiko wuli vinyake ivyo ŵamishonale ŵakusanga?

Kasi mungatemwa kumanya vinandi vya Sukulu ya Ŵapharazgi ŵa Ufumu? Lutani pa jw.org, pa chigaŵa cha “Mavidiyo,” ndipo wonani pa IVYO TIKUCHITA > MASUKULU GHA GULU. Wonelerani mavidiyo ghakuti Sukulu Zakusambizga Vya Ufumu ku Africa, Tikutumbikika Para Tasambizgika na Yehova, kweniso yakuti, Zuŵa Laumaliro la Kilasi Lakwamba la SKE.

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani