LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • mwb21 Janyuwale p. 11
  • Sankhani Kuteŵetera Yehova

Vidiyo palije.

Phepani, pali suzgo linyake.

  • Sankhani Kuteŵetera Yehova
  • Kabuku ka Maungano ka Uteŵeti na Umoyo Wachikhristu—2021
  • Nkhani Zakuyanako na Iyi
  • Chifukwa Wuli Ubatizo Ngwakuzirwa?
    Mungakondwa na Umoyo Kwamuyirayira!—Kusambira Baibolo Mwakudumbiskana
  • Munthu Wakwenera Kubatizika Kuti Waŵe Mkhristu
    Gongwe la Mulinda Likupharazga Ufumu wa Yehova (Lakusambira)—2018
  • Kufiska Ivyo Vikukhumbikwa pa Ubapatizo Wacikhristu
    Gongwe la Mulinda Likupharazga Ufumu wa Yehova
  • Ubatizo Ndiposo Ubwezi Winu na Chiuta
    Kasi Baibolo Likusambizgachi Chomenechomene?
Wonani Vinyake
Kabuku ka Maungano ka Uteŵeti na Umoyo Wachikhristu—2021
mwb21 Janyuwale p. 11
Nthowa iyo yikulongozgera munthu kuti wateŵetere Yehova. Vikhwangwani ivyo vili mumphepete mwa nthowa iyi vikwimira sambiro la Baibolo, kuwungana, kupharazga, na kubatizika.

Kasi imwe muli mpha pa nthowa yakuya ku ubatizo?

UMOYO WACHIKRISTU

Sankhani Kuteŵetera Yehova

Para ndimwe mupharazgi wambura kubatizika panji mukusambira Baibolo, kasi muli na chilato chakuti mubatizike? Chifukwa wuli mukukhumba kubatizika? Para mwajipeleka kwa Yehova na kubatizika, ndikuti mwamba kuŵa paubwezi wapadera na Iyo. (Sa 91:1) Kweniso vingawovwira kuti muzakaponoskeke. (1Pe 3:21) Kasi mungachita wuli kuti mujipeleke na kubatizika?

Mukwenera kukhorwa kuti ivyo mukusambira ni vyaunenesko. Para pali vinyake ivyo mukuvipulikiska yayi, fufuzani kuti muvimanye makora. (Ro 12:2) Manyani ivyo mukukhumbikwira kusintha. Ndipo apo mukusintha, kumbukani kuti chilato chinu ntchakuti mukondweske Yehova. (Zi 27:11; Efe 4:23, 24) Nyengo zose mulombenge kwa Yehova kuti wamovwirani. Manyani kuti wamukhozganinge na kumovwirani na mzimu wake utuŵa uwo ngwankhongono chomene. (1Pe 5:10, 11) Manyani kuti kuyezgayezga kwinu nkhwakukhumbikwa chomene. Kuteŵetera Yehova ndicho chinthu chakuzirwa chomene pa umoyo withu!​—Sa 16:11.

WONELERANI VIDIYO YA MUTU WAKUTI, IVYO VIKAŴAWOVWIRA KUTI ŴABATIZIKE, NDIPO PAMANYUMA ZGORANI MAFUMBO AGHA:

  • Kasi ni masuzgo wuli agho ŵanyake ŵatonda kuti ŵabatizike?

  • Kasi mungachita wuli kuti muŵe na chipulikano kuti mujipeleke kwa Yehova?

  • Kasi ni vinthu wuli ivyo vikapangiska ŵanji kuti ŵabatizike?

  • Kasi awo ŵasankha kuteŵetera Yehova ŵakutumbika wuli?

  • Kasi kujipeleka na kubatizika vikung’anamurachi?

Paumaliro wa nkhani ya ubatizo, muyowoyi wazamupempha awo ŵabatizikenge kuti ŵimilire na kuzgora mafumbo ghakulondezgapo agha mwakukwezga:

Kasi mwalapa zakwananga zinu na kujipeleka kwa Yehova, ndipo mukugomezga kuti muzamuponoskeka kwizira mwa Yesu Khristu?

Kasi mukumanya kuti para mwabatizika muŵenge Kaboni wa Yehova mwakukolerana na gulu lake?

Para awo ŵabatizikenge ŵazgora mafumbo agha, ndikuti ‘ŵazomera pakweru’ kuti ŵali na chipulikano mu sembe ya Yesu ndipo ŵajipeleka kwa Yehova na mtima wose.​—Ro 10:9, 10.

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani