Yehova Wakutilanga Chifukwa Chakuti Wakutitemwa

Lizgu lakuti kulanga, chomene likung’anamura kupeleka ulongozgi na kusambizga. Likusazgaposo kunyoloska vinthu, panji kupeleka chilango. Yehova wakutilanga chifukwa chakuti wakukhumba kuti timusopenge munthowa yakwenelera. (Ro 12:1; Heb 12:10, 11) Nyengo zinyake chilango chikuŵa chakuŵinya. Kweni chikovwira kuti tichitenge vinthu mwavinjeru na kutumbikika. (Zi 10:7) Kasi awo ŵakupeleka chilango kweniso awo ŵakupokera ŵakwenera kukumbuka vichi?

Awo ŵakupeleka chilango. Ŵalara, ŵapapi, na ŵanji, ŵakuyezgayezga chomene kuti ŵapelekenge chilango mwalusungu kweniso mwachitemwa nga umo Yehova wakuchitira. (Yer 46:28) Nangauli chilango chingaŵa chikuru, kweni chikwenera kupelekeka mwakuyana na umo vinthu viliri, kweniso mwachitemwa.​—Tit 1:13.

Uyo Wakupokera Chilango. Kwali chilango chingapelekeka munthowa wuli, tikwenera yayi kukana. M’malo mwake tikwenera waka kupulikira mwaluŵiro. (Zi 3:11, 12) Pakuti ndise ŵakwananga, tose tikukhumbikwira kulangika, ndipo chilango chingiza munthowa zakupambanapambana. Tingapokera ulongozgi kwizira mu ivyo tikuŵazga mu Baibolo panji ivyo tikusambira pa maungano gha mpingo. Ndipo nyengo zinyake ŵanyake ŵangakhumbikwira kupokera ntchenyo kufuma ku komiti ya cheruzgo. Para tazomera ntchenyo, tiŵenge na umoyo uwemi sono kweniso kunthazi, umoyo wamuyirayira.​—Zi 10:17.

WONELERANI VIDIYO YA MUTU WAKUTI “YEHOVA WAKULANGA AWO WAKUŴATEMWA,” NDIPO PAMANYUMA ZGORANI MAFUMBO GHAKULONDEZGAPO AGHA:

• 

  Kasi umoyo wa Canon ukaŵa uli pakwamba, ndipo ukasintha wuli?

• 

  Kasi wakapokera wovwiri wuli kufuma kwa Yehova?

• 

  Kasi tikusambirako vichi ku ivyo vikamuchitikira?