LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • mwb21 Meyi p. 13
  • Longorani Chitemwa mu Mbumba

Vidiyo palije.

Phepani, pali suzgo linyake.

  • Longorani Chitemwa mu Mbumba
  • Kabuku ka Maungano ka Uteŵeti na Umoyo Wachikhristu—2021
  • Nkhani Zakuyanako na Iyi
  • Banja Linu Lingaŵa Lakukondwa
    Kasi Baibolo Likutisambizga Vichi?
  • Umo Mungachitira Kuti Muŵe Ŵakukondwa mu Banja Linu
    Kasi Baibolo Likusambizgachi Chomenechomene?
  • Umoyo wa Mbumba Weneuwo Ukumukondweska Ciuta
    Kasi Ncici Ico Ciuta Wakukhumba kwa Ise?
  • Mbumba Zacikhristu, Citani nga ni Yesu
    Gongwe la Mulinda Likupharazga Ufumu wa Yehova—2009
Wonani Vinyake
Kabuku ka Maungano ka Uteŵeti na Umoyo Wachikhristu—2021
mwb21 Meyi p. 13
Mbumba yikwimba sumu pa maungano.

UMOYO WACHIKHRISTU

Longorani Chitemwa mu Mbumba

Chitemwa chili nga ni guluu (vyakumatira), ndipo chikovwira kuti mbumba yiŵe yakukolerana. Kwambura chitemwa, ntchakusuzga kuti ŵanthu mu mbumba ŵalutilire kuŵa ŵakukolerana kweniso kuti ŵachitirenge lumoza vinthu. Kasi ŵafumu, ŵawoli, na ŵapapi, ŵangalongora wuli chitemwa mu mbumba?

Mfumu wachitemwa wakumanya ivyo muwoli wake wakukhumba, umo wakuwonera vinthu kweniso umo wakujipulikira. (Efe 5:28, 29) Wakupwelelera mbumba yake mwakuthupi kweniso mwauzimu nga nkhuchita Kusopa kwa Mbumba nyengo zose. (1Ti 5:8) Muwoli wachitemwa wakujilambika kwa mfumu wake na ‘kumuchindika chomene.’ (Efe 5:22, 33; 1Pe 3:1-6) Mfumu na muwoli ŵakwenera kugowokerana na mtima wose. (Efe 4:32) Ŵapapi ŵachitemwa, ŵakuwona mwana waliyose kuti ngwakuzirwa mu mbumba yawo, ndipo ŵana ŵawo wose ŵakuŵasambizga kutemwa Yehova. (Do 6:6, 7; Efe 6:4) Kasi ŵana ŵawo ŵakusangana na masuzgo wuli ku sukulu? Kasi ŵakuchita wuli para ŵakuchichizgika na ŵanyawo? Para mu mbumba muli chitemwa, waliyose wakujipulika kuti ngwakuvikilirika.

WONELERANI VIDIYO YA MUTU WAKUTI MUŴE NA CHITEMWA CHAMBURA KUMARA MU MBUMBA, NDIPO PAMANYUMA ZGORANI MAFUMBO GHAKULONDEZGAPO AGHA:

  • Chithuzi cha mu vidiyo ya mutu wakuti ‘Muŵe na Chitemwa Chambura Kumara mu Mbumba.’ Mbumba iyi yati yawerako ku maungano, mfumu na muwoli wake ŵakudumbiskana lemba pamoza.

    Kasi mfumu wachitemwa wakuchita wuli na muwoli wake kulongora kuti wakumuzirwiska na kumupwelelera?

  • Chithuzi cha mu vidiyo ya mutu wakuti ‘Muŵe na Chitemwa Chambura Kumara mu Mbumba.’ Mudumbu wati wawerako ku maungano, wakutegherezga mwakuzikira kwa mfumu wake uyo ni Kaboni yayi ndipo wakumusikizgira kuti wakumutemwa zanadi.

    Kasi muwoli wachitemwa wakulongora wuli kuti wakumuchindika chomene mfumu wake?

  • Chithuzi cha mu vidiyo ya mutu wakuti ‘Muŵe na Chitemwa Chambura Kumara mu Mbumba.’ Mbumba yikudumbiskana fundo izo yasambira ku maungano apo yikulyera pamoza chakurya.

    Kasi ŵapapi ŵachitemwa ŵakuchita wuli kuti ŵasambizge ŵana ŵawo Mazgu gha Chiuta?

IVYO MUKWENERA KUMANYA PA NKHANI YA TEKINOLOJE

Vinthu vya tekinoloje vingatimalira nyengo yakuti tikhozgere ubwezi withu mu mbumba. Ŵapapi ŵakwenera kugaŵa nyengo iyo iwo na ŵana ŵawo ŵangamalira pa foni panji pa kompyuta. Kweniso ŵapapi ŵakwenera kuwona usange ŵana ŵawo mbakuti ŵangagwiliskira ntchito Intaneti, kweniso kumanya ŵanthu awo mwana wawo wangachezga nawo pa Intaneti.

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani