UMOYO WACHIKHRISTU

Sankhani Mwamahara pa Nkhani ya Moŵa

Chithuzi cha mu vidiyo ya mutu wakuti ‘Ghanaghanirani Vyapanthazi.’ Njoka iyo yili na mino yikufuma mu kapu wa moŵa uyo mwanalume wakolera.

Ŵakhristu ŵakwenera kujikora pa nkhani ya kamwero ka moŵa. (Zi 23:20, 29-35; 1Ko 6:9, 10) Usange Mkhristu wasankha kumwa moŵa, wakwenera kumwa pachoko. Wakwenera yayi kumwa chomene na kukhuŵazga ŵanji. (1Ko 10:23, 24; 1Ti 5:23) Kweniso wakwenera yayi kuchichizga ŵanji kuti ŵamwenge moŵa, chomenechomene ŵawukirano.

WONELERANI VIDIYO YA MAKATUNI YA MUTU WAKUTI GHANAGHANIRANI VYAPANTHAZI, NDIPO PAMANYUMA ZGORANI MAFUMBO AGHA:

Chifukwa wuli Ŵakhristu ŵakwenera kupulikira malango ghakukhwaskana na kumwa moŵa?—Ro 13:1-4
Chifukwa wuli tikwenera yayi kuchichizgika na ŵanji kuti timwe moŵa?—Ro 6:16
Kasi tingachita wuli kuti tileke kuwira mu masuzgo agho ghakwiza chifukwa cha kumwa chomene moŵa?