Longorani Lusungu

Lusungu ni para munthu wakukhwaskika para munyake wasangana na suzgo na kughanaghanira ivyo munthu uyo wakukhumbikwira. Ŵanthu ŵanyake ŵakumanya usange tikuŵalengera lusungu. Kweni tingaŵalongora lusungu para tikukhumba nadi kuŵawovwira. Para tikulongora lusungu mu uteŵeti, tikuyezga Yehova uyo ngwachitemwa na wakupwelelera, ndipo ivi vikovwira kuti ŵanthu ŵasendelere kwa iyo.​—Fil 2:4.

Tikulongora lusungu para tikusambizga waka makora yayi. Kweni tikulongora kuti ndise ŵalusungu para tikuŵategherezga chomene ŵanthu. Nkharo yithu nayo yikulongora usange ndise ŵalusungu. Kweniso umo tikuyowoyera nawo ŵanthu, majesicha yithu, na kawonekero kithu ka chisko nako kakulongora usange ndise ŵalusungu. Tikulongoraso lusungu para tikunweka nayo munthu. Tikumanya ivyo wakutemwa, vigomezgo vyake, kweniso umo vinthu viliri kwa iyo. Tikumuphalirako fundo izo zingamovwira kweni tikumuchichizga yayi kuti wasinthe. Para ŵanthu awo tikuŵapharazgira ŵazomera kuti tiŵawovwire, tikuŵa ŵakukondwa chomene mu uteŵeti.

WONELERANI VIDIYO YA MUTU WAKUTI MUKONDWENGE PAKUZGORA ŴANTHU KUŴA ŴASAMBIRI​—SAZGIRANIKO LUSO LWINU​—MUŴE ŴALUSUNGU, NDIPO PAMANYUMA ZGORANI MAFUMBO GHAKULONDEZGAPO AGHA:

• 

  Kasi Neeta wakalongora wuli lusungu apo Jade wakachedwa?

• 

  Kasi Neeta wakalongora wuli lusungu apo Jade wakati wali na maghanoghano chomene mwakuti ŵangasambira yayi?

• 

  Kasi Neeta wakalongora wuli lusungu apo Jade wakati vikumusuzga kuti waŵikenge makora vinthu?