Lutilirani Kusambizga Nkhongono Zinu Zakamanyiro

Munthu uyo wakuchita maseŵero gha kuchimbira, wakwenera kunozgekera na kuyezgelera mwakuwerezgawerezga kuti thupi lake lizgoŵere. Mwakuyana waka, nase tikwenera kulutilira kusambizga nkhongono zithu zakamanyiro. (Heb 5:14) Nangauli nyengo zinyake vingachitika kutolera waka ivyo ŵanyithu ŵasankha, kweni tikwenera kusambizga nkhongono yithu yakughanaghana kuti tisankhenge tekha vyakuchita. Chifukwa wuli? Chifukwa waliyose wazamweruzgika kuyana na ivyo wakusankha.​—Ro 14:12.

Tileke kughanaghana kuti nyengo zose tisankhenge vinthu mwamahara chifukwa chakuti waka tikabatizika nikale. Kweni tingasankha makora vinthu para tikuthemba Yehova, Mazgu ghake, na gulu lake.​—Jos 1:7, 8; Zi 3:5, 6; Mt 24:45.

WONELERANI VIDIYO YA MUTU WAKUTI “LUTILIRANI KUŴA NA NJUŴI YIWEMI,” NDIPO PAMANYUMA ZGORANI MAFUMBO AGHA:

• 

  Kasi Emma wakakhumbikwiranga kupanga chakusankha pa nkhani wuli?

• 

  Chifukwa wuli tikwenera kugega kusankhira ŵanyithu chakuchita pa nkhani zakwendera njuŵi?

• 

  Kasi ni ulongozgi wuli uwemi uwo banja linyake likamupa Emma?

• 

  Kasi ni nkhu uko Emma wakasanga fundo zakovwira pa suzgo lake?