Pharazgani Uthenga Uwemi Wakuti Charu Chiphya Chili Pafupi!

Mu mwezi wa Novembala, tizamuŵa na upharazgi wapadera wa kupharazga uthenga uwemi wakuti charu chiphya chili pafupi. (Sa 37:10, 11; Chiv 21:3-5) Mukwenera kuzakasintha ndondomeko yinu kuti muzakachiteko mwakukwana upharazgi uwu. Mungazakasankha kuchita upayiniya wakanyengo wa maora 30 panji 50.

Nozgekerani lemba ilo likuyowoya vya charu chiphya kuti muzakaŵazgire ŵanthu ŵanandi. Pakusankha vesi la mu Baibolo, muzakasankhe ilo ŵanthu mu chigaŵa chinu lingaŵafika pamtima. Usange munthu ngwakunweka paulendo wakwamba, muzakamupe magazini ya Gongwe la Mulinda lakugaŵira Na. 2 2021. Ndipo pamanyuma muzakawelereko mwaluŵiro ku ŵakunweka na kuyezga kwamba kusambira nawo Baibolo na burosha la mutu wakuti Mungakondwa na Umoyo Kwamuyirayira! Tizamukondwa chomene kuzakapharazga “makani ghawemi gha vinthu viwemi.”—Yes 52:7.

WONELERANI VIDIYO YA SUMU YA MUTU WAKUTI CHARU CHIPHYA ICHO CHIZENGE, NDIPO PAMANYUMA ZGORANI MAFUMBO AGHA:

• Kasi ni vinthu wuli vyakukondweska ivyo kamsungwana kaghanaghaniranga?

• Kasi ni vinthu wuli ivyo imwe mukulindilira mu charu chiphya?

• Kasi kughanaghanira ivyo mukulindilira kungamovwirani wuli kuti munozgekere kuzakapharazga mwakukwana upharazgi wapadera mu Novembala?—Lu 6:45