Yehova Wakachita Vinthu Ivyo Ŵanthu Ŵakakhazganga Yayi

Pa nyengo iyo kukaŵa njara yikuru, Yehova wakayowoya kuti zuŵa lakulondezgapo kuŵenge chakurya chinandi (2Ma 7:1; it-1-E 716-717)

Msilikari wa Israyeli wakakayika usange layizgo la Yehova ili lingafiskika (2Ma 7:2)

Yehova wakachita vinthu ivyo ŵanthu ŵakakhazganga yayi (2Ma 7:6, 7, 16-18)

Ŵakutorana awo Mbakaboni ŵa Yehova ŵali mu shopu iyo ŵakumweramo khofi, ndipo ŵakuwonelera nkhani izo zikulongora ŵalongozgi ŵa charu ŵakukumana. Wose awo ŵali mu shopu ya khofi ŵakuwonelera nkhani izi.

Yehova wakuti pharanyiko la charu chiheni ichi lizenge mwamabuchi kweniso pa nyengo iyo takhazganga yayi. (1Te 5:2, 3) Chifukwa wuli ntchakuzirwa kuŵa na chipulikano mu mazgu gha Yehova?