UMOYO WACHIKHRISTU
Manyani Maghanoghano gha Chiuta
Tikukhumba kukondweska Yehova mu vyose ivyo tikuchita. (Zi 27:11) Kuti timukondweske, tikwenera kusankha vinthu kuyana na umo Yehova wakughanaghanira nanga ni para palije dango lakudunjika. Kasi ntchivichi chingatovwira kuti tisankhe makora?
Lutilirani kusambira Baibolo zuŵa lililose. Nyengo zose para tikuŵazga Baibolo, tikuŵa nga tili pamoza na Yehova. Tingamanya maghanoghano gha Yehova para tingasanda umo wakachitiranga vinthu na ŵanthu ŵake mu nyengo yakale, awo ŵakachitanga viwemi panji viheni mu maso ghake. Para tikukhumba kupanga chakusankha, mzimu utuŵa ungatikumbuska fundo zakuzirwa izo tasambira mu Mazgu gha Chiuta.—Yoh 14:26.
Fufuzani. Para mukukhumba kupanga chakusankha, jifumbani kuti, ‘Kasi ni mavesi panji nkhani wuli ya mu Baibolo iyo yinganovwira kupulikiska umo Yehova wakuwonera nkhani iyi?’ Lombani kwa Yehova kuti wamovwirani, kweniso gwiliskirani ntchito vinthu vyakufufuzira ivyo vikusangika mu chiyowoyero chinu kuti vimovwirani kusanga fundo izo zikukolerana na suzgo linu.—Sa 25:4.
WONELERANI VIDIYO YA MUTU WAKUTI, TIKWENERA ‘KUZIZIPIZGA PAKUCHIMBIRA’—MURYENGE VYAKURYA VYA MAGULU, NDIPO PAMANYUMA ZGORANI MAFUMBO GHAKULONDEZGAPO AGHA:
Kasi mudumbu wachiwukirano uyo tawona mu vidiyo wakakumana na masuzgo wuli?
Kasi mungagwiliskira wuli ntchito vinthu vyakufufuzira kuti mutonde masuzgo ghakuyana waka?
Kasi tikusanga chandulo wuli usange tikupatura nyengo kufufuza na kusambira patekha?—Heb 5:13, 14