UMOYO WACHIKHRISTU

Kasi Mwanozgekera Suzgo la Vyachuma?

Tikuzizwa yayi para vyakuchitika vya ŵanthu mu charu vikwiziska masuzgo gha vyachuma. Chifukwa wuli? Chifukwa chakuti tikukhala kuumaliro chomene wa mazuŵa ghaumaliro ndipo Baibolo likutichenjezga kuti tileke kuŵika chigomezgo chithu mu “usambazi wambura kutchintha.” (1Ti 6:17; 2Ti 3:1) Kasi chiyelezgero cha Themba Yehoshafati chikutisambizga vichi pa nkhani ya kunozgekera masuzgo gha vyachuma?

Wati wawofyeka na mitundu iyo yikaŵa ŵalwani ŵawo, Yehoshafati wakathemba Yehova. (2Mi 20:9-12) Iyo wakachitapo kanthu kuti wanozgekere. Wakakhozga misumba na kunozgekereska ŵasilikari. (2Mi 17:1, 2, 12, 13) Nga Yehoshafati, nase tingachita makora kugomezga Yehova na kunozgekera umo tingachitira pa masuzgo agho tingakumana nagho.

KASI TINGACHITA WULI KUTI TINOZGEKERE MASUZGO GHA VYACHUMA?

Nozgekerani mwauzimu: Mukhorwenge na ivyo muli navyo ndipo mukwenera kugomezga kuti Yehova wamupaninge vyakukhumbikwira vinu vya zuŵa na zuŵa. (Mt 6:26; 1Ti 6:8) Ŵikanipo mtima kuti muleke kuswa fundo za mu Baibolo chifukwa cha kukhumba kusanga vinthu vyakukhumbikwa. (Ro 2:21) Ghanaghanirani umo mungasangira chakurya chauzimu usange magesi panji Intaneti kungaŵa kuti kulije. Sunganipo mabuku ghachoko ghakuchita kupulinta, ndipo usange ntchamachitiko, mungapangirathu dawunilodi mabuku ghanyake.

Nozgekerani mwakuthupi: Chepeskani ngongole na kugura vinthu vinyake vyambura kukhumbikwa pambere masuzgo gha vyachuma ghandachitike. (Zi 22:7) Usange ntchamachitiko sungani chakurya na vinthu vinyake vyakukhumbikwa. Ŵanyake ŵangasankha kuŵa na dimba kuti ŵaleke kunanga ndalama zinandi.

WONELERANI VIDIYO YAKUTI, KASI NDIMWE ŴAKUNOZGEKA USANGE KUNGACHITIKA SOKA? NDIPO PAMANYUMA ZGORANI MAFUMBO GHAKULONDEZGAPO AGHA:

Chithuzi cha mu vidiyo ya mutu wakuti “Kasi Ndimwe Ŵakunozgeka Usange Kungachitika Soka?” Pa chithuzi pakuwoneka Baibolo, chikwama, foni kweniso ŵanthu awo ŵakuzenga.

Kasi ise patekha tingachita vichi kuti tinozgekere soka?

Your answer

Chithuzi cha mu vidiyo ya mutu wakuti “Kasi Ndimwe Ŵakunozgeka Usange Kungachitika Soka?” Ŵabali ŵakovwirapo pa mulimo wakuzenga kweniso ŵakukhizga katundu mu galimoto.

Kasi tinganozgekera wuli kuti tovwire ŵanji?

Your answer