Kasi Vilato Vinu Ni Vyakuti Wuli mu Chaka Chiphya cha Uteŵeti?

Vilato vyauzimu vikusazgapo chilichose icho tikuchita kuti titeŵetere Yehova mwakukwana na kumukondweska. Vilato ivi vikutovwira kuti tiŵe ŵakukhwima mwauzimu. Ndipo ntchakupulikikwa kuti tikumalirapo nyengo yithu na nkhongono zithu. (1Ti 4:15) Chifukwa wuli tikwenera kusanda vilato vithu nyengo zose? Chifukwa chakuti vyakuchitika pa umoyo vikusintha. Chilato icho tikaŵa nacho pakwamba chingaŵa kuti tingachifiskaso yayi panji tili kuchifiska, ndipo tingakhumbikwira kuti tijiŵikireso chinyake.

Nyengo yiwemi yakusandiraso vilato vithu, ni pambere chaka chiphya cha uteŵeti chindambe. Mungachita makora kudumbiskana pakusopa kwa mbumba vilato ivyo waliyose wangajiŵikira, kweniso ivyo mbumba yingajiŵikira.

Kasi vilato vinu ni vyakuti wuli mu vigaŵa vyakulondezgapo ivi, ndipo kasi mukughanaghana kuchita vichi kuti muvifiske?