Ivyo Vingamovwirani Pakusambira

Umo Mungagwiliskira Ntchito Chigaŵa Chakuti “Pali Vichi Vyasono?”

Chigaŵa chakuti “Pali Vichi Vyasono?” icho chili pa JW Library^® na pa jw.org chikulongora vinthu viphya ivyo vyafuma sonosono. Kasi mungagwiliskira wuli ntchito chigaŵa ichi kuti nyengo zose mumanyenge fundo ziphya?

Pa JW Library

• Mungapanga apudeti kachigaŵa ka nkhani zakupambanapambana kuti mumanye usange paŵikika nkhani ziphya za kachigaŵa ako. Ntheura para kachigaŵa kanyake ka nkhani kawoneka pa chigaŵa chakuti “Pali Vichi Vyasono?,” mungadawuniloda kachigaŵa kaphya ka nkhani izo. Kufuma apo mungaŵazga nkhani yiphya iyo yafumiskika sono iyo yikuŵa pakwamba, kuyana na madeti.

• Mabuku ghanyake nga ni magazini mungaŵazga lose yayi panyengo yimoza. Kuti mumanye agho mundamalizge kuŵazga, mungaliŵika dankha pa chigaŵa cha Favorites m’paka apo mumalizgirenge kuŵazga.

Pa JW.ORG

Nkhani zinyake nga ni malipoti na vipharazgo vinyake, vikusangika pa webusayiti ya jw.org pera, pa JW Library yayi. Nyengo zose mukumbukenge kuwonapo pa webusayiti yithu nkhani izo zafuma sono pa chigaŵa chakuti “Pali Vichi Vyasono?”