Sangani Fundo mu Baibolo Izo Zingamovwirani

Para tikuŵazga Baibolo, tingasanga fundo zakovwira usange tikufufuza. Kweni kasi tingachita wuli kuti tisangenge chomene chandulo?

Sandani mwakupwelelera nkhani ya mu Baibolo iyo mukuŵazga. Mwachiyelezgero, manyani uyo wakalemba, awo wakaŵalemberanga, kweniso nyengo iyo wakalembera. Kasi vinthu vikaŵa wuli pa nyengo iyo, ntchivichi chikachitika pambere wandalembe, kweniso ntchivichi chikachitika pamanyuma pakuti walemba?

Wonani ivyo mukusambirapo mwa kufufuza mafumbo nga ghakuti: ‘Kasi ŵanthu awo ŵakuzunulika apa ŵakajipulikanga wuli? Kasi ŵakaŵa na mikhaliro wuli? Chifukwa wuli nkhwenera kuyezga mikhaliro yawo yiwemi, panji kugega kuŵa na mikhaliro yawo yiheni?’

Londezgani ivyo mukusambirako, ndipo mungavigwiliskira ntchito kwali ni mu uteŵeti panji para mukuchita vinthu na ŵanji. Para muchitenge nthena, muŵenge ŵavinjeru, nga umo Baibolo likuyowoyera kuti: “Yose uyo ngwavinjeru wasungilirenge vinthu ivi.”—Sal. 107:43.

• Fundo yakovwira: Wonani umo fundo izo zikusangika pa chigaŵa cha Mazgu gha Chiuta Mbusambazi icho chikuŵa pa maungano gha mukati mwa sabata, chikutovwilira kuti tilondezgenge ivyo tasambira. Chigaŵa ichi nyengo zose chikuŵa na mafumbo agho tingajifumba, fundo izo tingaghanaghanirapo, kweniso vithuzi ivyo tingasambirapo kanthu.