Kuzizipizga Vinthu Vyambura Urunji

Ŵazgani Genizesi 37:23-28; 39:17-23 kuti musambireko kwa Yosefe pa umo wakazizipizgira vinthu vyambura urunji.

Sandani makora nkhani yose. Kasi ntchivichi chikapangiska kuti Yosefe ŵamuchitire vinthu vyambura urunji? (Gen. 37:3-11; 39:1, 6-10) Kasi Yosefe wakazizipizga kwautali wuli vinthu vyambura urunji? (Gen. 37:2; 41:46) Pa nyengo iyi, kasi Yehova wakamuchitira vichi Yosefe, ndipo ni vichi ivyo wakamuchitira yayi?—Gen. 39:2, 21; w23.01 17 ¶13.

Fufuzani kuti mumanye vinandi. Baibolo liku­yowoyapo yayi kuti Yosefe wakajivikilira ku utesi uwo mwanakazi wa Potifara wakamuyowoyera. Kasi malemba agha ghakutovwira wuli kumanya chifukwa icho panji Yosefe ­wakasankhira waka kukhala chete kwambura kujivikilira, ndipo chifukwa wuli tikwenera kukhazga kuti timanye chilichose yayi? (Zinth. 20:2; Yoh. 21:25; Mil. 21:37) Kasi ni mikhaliro wuli iyo yikwenera kuti yikamovwira Yosefe kuzizipizga vinthu vyambura urunji?—Mika 7:7; Luka 14:11; Yak. 1:2, 3.

Wonani ivyo mukusambirapo, ndipo londezgani. Jifumbani kuti:

• ‘Kasi ni vinthu wuli vyambura urunji ivyo nkhwenera kukhazga kuti nisanganenge navyo pakuŵa mulondezgi wa Yesu?’—Luka 21:12, 16, 17; Heb. 10:33, 34.

• ‘Kasi ninganozgekera wuli kuti nizizipizge vinthu vyambura urunji?’—Sal. 62:7, 8; 105:17-19; w19.07 2-7.