Sangani Chandulo na Vithuzi

Mabuku ghithu ghali na vithuzi vinandi ivyo vikutisambizga fundo zakuzirwa. Kasi mungachita wuli kuti musangenge chandulo na vithuzi ivi?

• Wonani dankha vithuzi pambere mundaŵazge nkhani. Vithuzi vingamovwirani kuti muŵe ŵakunweka chomene kuŵazga nkhani yose. Nga umo vikuŵira para mwawona chakurya icho chikuwoneka chakunowa, mukuŵa ŵakukhumbisiska chomene kuti muchirye. Ntheura mungajifumba kuti, ‘Kasi nkhuwona vichi?’—Am. 7:​7, 8.

• Apo mukuŵazga nkhani, ghanaghanirani chifukwa icho ŵakaŵikiramo vithuzi ivyo vilimo. Ŵazgani mazgu ghakulongosora vithuzi usange ghalipo. Ghanaghanirani kukolerana uko kulipo pakati pa vithuzi na nkhani iyo mukuŵazga kweniso umo mungagwiliskira ntchito pa umoyo winu ivyo mwasambirapo.

• Para mwamara kuŵazga, gwiliskirani ntchito vithuzi kuti muweleremo fundo zikuru za nkhani iyo. Yezgani kukumbuka vithuzi ivyo mwanguwona kweniso fundo izo mwangusambirapo pa chithuzi chilichose.

• Yezgani kuweleramo vithuzi ivyo vili mu magazini iyi, na kuwona usange mukukumbuka fundo izo muli kusambirapo.