BAIBOLO LIKUSINTHA UMOYO WA ŴANTHU

Ŵakasanga “Ngale ya Mtengo Wapatali”

Yesu wakasambizga kuti Ufumu wa Chiuta uzamumazga masuzgo ghose gha ŵanthu. (Mateyu 6:10) Pa Mateyu 13:44-46, wakayowoya ntharika ziŵiri kuti walongore kuzirwa kwa unenesko wa Ufumu wa Chiuta:

Vithuzi: Ŵanalume ŵaŵiri ŵa mu ntharika ya Yesu. 1. Mwanalume wakujima mu munda ndipo wakuwoneka kuti wazizikika na ivyo wasanga. 2. Mwanalume wanyamura ngale ya mtengo wapatali ndipo wakumwemwetera.

Mwanalume wakagwiranga ntchito mu munda ndipo mwamabuchi wakasanga usambazi wakubisika.
Wamalonda wakwendakwenda uyo wakapenjanga ngale ziwemi wakasanga ngale yimoza ya mtengo wapatali.

Ŵanalume wose aŵa ŵakaguliska vyose ivyo ŵakaŵa navyo kuti ŵagure usambazi uwo ŵakasanga. Ŵanalume aŵa ŵakwimira ŵanthu awo ŵakuzirwiska chomene Ufumu wa Chiuta mwakuti ŵakujipata chomene kuti ŵasange vitumbiko vyake. (Luka 18:29, 30) Mu vidiyo iyi, wonani nkhani ya ŵanthu ŵaŵiri awo ŵali nga mbanalume awo ŵakuzunulika mu ntharika ya Yesu.