Kasi Ŵakaboni ŵa Yehova Ŵakugomezga Kuti Chisopa Chawo Ndicho Ntchaunenesko?

Ŵanthu awo ŵakuwona kuti kusopa nkhwakuzirwa ŵakwenera kukhorwa kuti chisopa icho ŵalimo ntchakuzomerezgeka na Chiuta ndiposo Yesu. Para yayi, ŵapenje chinyake.

Yesu Khristu wakayowoyapo yayi kuti pali visopa vinandi panji nthowa zinandi izo zikulongozgera ku chiponosko. Kweni wakati: ‘Chipata ntchichoko na nthowa yakulongozgera ku umoyo njifinyi, ndipo mbachoko awo ŵakuyisanga.’ (Mateyu 7:14) Ŵakaboni ŵa Yehova ŵakugomezga kuti ŵali kuyisanga nthowa iyi. Ŵaŵenge kuti ŵandayisange, mphanyi ŵapenja chisopa chinyake.