Kasi Ŵakaboni ŵa Yehova Ŵakumugomezga Yesu?

Enya. Yesu tikumugomezga, ndipo iyo wakati: “Ine ndine nthowa na unenesko na umoyo. Palije uyo wakwiza ku Ŵadada kweni kwizira mwa ine.” (Yohane 14:6) Tikugomezga kuti Yesu wakiza pa charu chapasi kufuma kuchanya ndipo wakapeleka umoyo wake kuti watiwombore. (Mateyu 20:28) Chifukwa chakuti wakafwa na kuwuka, awo ŵakumugomezga ŵazamusanga umoyo wamuyirayira. (Yohane 3:16) Kweniso tikugomezga kuti pasono Yesu ni Themba la Ufumu wa Chiuta kuchanya, ndipo sonosono apa wizenge na mtende pa charu chose chapasi. (Uvumbuzi 11:15) Ndipouli, Yesu wakati: “Ŵadada mbakuru kuluska ine.” (Yohane 14:28) Lekani Yesu tikumusopa yayi, chifukwa ni Chiuta Wankhongozose yayi.