Kasi Chiuta Ndiyo Wakwambiska Masuzgo?

Ivyo Baibolo likuyowoya

Baibolo likuti ni Chiuta yayi uyo wakwambiska masuzgo. Yehova Chiuta wakakhumbanga kuti ŵanthu ŵakondwenge. Kweni ŵanthu ŵakwamba ŵakamugalukira. Ŵakasankha kuti ŵamanyenge ŵekha chiwemi na chiheni. Lekani tikusuzgika.

Masuzgo agho tikukumana nagho, ntchifukwa cha ivyo ŵanthu ŵakwamba ŵakasankha. Ni Chiuta yayi uyo wakwambiska masuzgo.

Baibolo likuti: ‘Para yunji wakuyezgeka, waleke kuyowoya kuti: “Nkhuyezgeka na Chiuta.” Pakuti Chiuta wangayezgeka na vinthu viheni chara, ndipo iyo kuti wakuyezga waliyose chara.’ (Yakobe 1:13) Masuzgo ghakuwira waliyose, nanga ni awo ŵakuteŵetera Chiuta.