Chifukwa Wuli Ŵanthu Ŵakufwa?

Ivyo Baibolo likuyowoya

Taŵanthu tikumanya yayi icho chachitika para mubali withu wafwa. Baibolo likuti: “Luwozga lwa nyifwa nkhwananga.”—1 Ŵakorinte 15:56.

Chifukwa wuli ŵanthu wose ŵakwananga na kufwa?

Adamu na Eva ŵakanangira Chiuta. (Genesis 3:17-19) Ŵakamupulikira yayi Chiuta, ntheura ŵakafwa, chifukwa iyo ndiyo “chisimi cha umoyo.”—Masalimo 36:9; Genesis 2:17.

Ŵana wose ŵa Adamu ŵakatorako kwananga. Baibolo likuti: “Kwananga kukanjira mu charu na munthu yumoza ndipo nyifwa yikiza chifukwa cha kwananga. Ntheura nyifwa yikathandazgikira ku ŵanthu wose chifukwa wose ŵakananga.” (Ŵaroma 5:12) Ŵanthu wose ŵakufwa chifukwa cha kwananga.—Ŵaroma 3:23.

Ivyo Chiuta wazamuchita kuti nyifwa yimare

Chiuta walayizga kuti “wazamumilimitizga nyifwa muyirayira.” (Yesaya 25:8) Nyifwa kuti yimare, Chiuta wazamuwuskapo kwananga uko kukwambiska nyifwa. Chiuta wazamuwuskapo kwananga kwizira mwa Yesu Khristu, “uyo wakuwuskako kwananga kwa charu.”—Yohane 1:29; 1 Yohane 1:7.