Chifukwa Wuli Ŵakaboni ŵa Yehova Ŵakusopa Kwambura Mphinjika?

Ŵanthu ŵanandi ŵakugomezga kuti mphinjika ntchimanyikwiro cha Ŵakhristu. Ŵakaboni ŵa Yehova Mbakhristu, kweni ŵakusopa kwambura mphinjika. Chifukwa wuli?

Baibolo likuti Yesu wakafwira pa mphinjika yayi, kweni pa khuni. Kweniso likuchenjezga Ŵakhristu kuti ŵakwenera ‘kukana kusopa vikozgo.’ Ipo ntchambura kwenelera kusopa na mphinjika.—1 Ŵakorinte 10:14; 1 Yohane 5:21.

Yesu wakati: ‘Usange mukutemwana, wose ŵamanyenge kuti ndimwe ŵasambiri ŵane.’ (Yohane 13:34, 35) Ntheura Ŵakhristu ŵaunenesko ŵakwenera kumanyikwa na chitemwa, mphinjika yayi.