Mazgu Ghamusi

a Mu charu chiheni ichi, ntchakusuzga chomene kusanga ŵanthu awo ŵakutemwa urunji. Ndipouli, pali ŵanthu ŵanandi awo ŵakuyezgayezga kuchita urunji. Tikukayika yayi kuti namwe muli pakati pa ŵanthu aŵa. Mukuyezgayezga kuchita nthena chifukwa Yehova wakutemwa urunji, kweniso namwe mukutemwa Yehova. Kasi tingachita wuli kuti titemwenge urunji uwo ni mukhaliro wakuzirwa chomene? Mu nkhani iyi tiwonenge kuti urunji ni vichi, kweniso umo tikupindulira para tikutemwa urunji. Tiwonengeso ivyo tingachita kuti tiwutemwenge chomene mukhaliro uwu.