-
Munthu Wapamtima wa YehovaGongwe la Mulinda Likupharazga Ufumu wa Yehova—2011
-
-
Mulimo wa kuliska viŵeto uwo Davide wakacitanga ukaŵa wakofya. Mukaŵa mu mapiri agha umo wakakumana na nkhalamu ndiposo nkhalamira ivyo vikakhumbanga kukora mberere zake.a Munyamata wacikanga uyu wakavidikizga vikoko ivi na kuvikoma, ndipo wakathaska mberere zake ku milomo yawo. (1 Samuel 17:34-36) Mutepanji pa nyengo iyi ndipo Davide wakasambira kuŵa waluso pa kulasa na fyata. Kufupi na kukwawo kwa Davide kukakhalanga fuko la Benjamini. Ŵanalume ŵa fuko la Benjamini ŵakamanyanga kulasa na fyata “kwambura kuwinda nanga mpha kacoko nga ndi weya.” Davide nayo wakamanyanga kulasa na fyata kwambura kuwinda.—Ŵeruzgi 20:14-16; 1 Samuel 17:49.
-
-
Munthu Wapamtima wa YehovaGongwe la Mulinda Likupharazga Ufumu wa Yehova—2011
-
-
a Nkhalamira za ku Siriya, izo kale zikasangikanga ku Palestina, zikaŵa zizito pafupifupi makilogiramu 140 ndipo zikakomanga munthu panji nyama mwa kutwazura na vinjoŵe vyake. Nkhalamu nazo zikaŵa zinandi comene ku cigaŵa ici. Lemba la Yesaya 31:4 likuyowoya kuti nanga pangaŵa ‘ŵaliska ŵanandi’ ŵangayidikizga yayi “nkhalamu yiwukirano” pa nyama yake.
-