LAYIBULARE YA PA INTANETI ya Watchtower

Kasi Tingalongora Wuli Kuti Tikuwonga Chawanangwa cha Umoyo?

Mungakondwa na Umoyo Kwamuyirayira!—Kusambira Baibolo Mwakudumbiskana
- 1. Chifukwa wuli tikwenera kuchindika umoyo?
  
  Tikwenera kuchindika chomene umoyo chifukwa ntchawanangwa chakufuma kwa Dada withu wachitemwa, Yehova. Iyo ‘ntchisimi cha umoyo,’ ndiyo wakalenga vyamoyo vyose. (Salimo 36:9) “Wakupeleka ku ŵanthu wose umoyo na mvuchi na vinthu vyose.” (Milimo 17:25, 28) Kweniso wakutipa vyose ivyo tikukhumbikwira kuti tiŵe ŵamoyo. Iyo wakutipa vyose ivi kuti tikondwenge na umoyo.—Ŵazgani Milimo 14:17.

Kasi Tingalongora Wuli Kuti Tikuwonga Chawanangwa cha Umoyo?

Mungakondwa na Umoyo Kwamuyirayira!—Kusambira Baibolo Mwakudumbiskana
- 2. Kasi tingalongora wuli kuti tikumuwonga Yehova chifukwa cha kutipa umoyo?
  
  Yehova wakamba kumupwelelerani kufuma waka apo amama ŵinu ŵakatolera nthumbo. Davide wakaphalira Yehova kuti: “Maso ghinu ghakaniwona nkhati namba waka kupangika mu nthumbo.” (Salimo 139:16) Yehova wakuwona kuti umoyo winu ngwakuzirwa chomene. (Ŵazgani Mateyu 10:29-31.) Iyo wakukwiya chomene para munthu wajikoma panji wakoma ŵanyake mwadala.a (Ekisodo 20:13) Yehova wakukwiyaso chomene para munthu wakuŵikira dala umoyo wake panji wa ŵanyake pangozi. Tingalongora kuti tikuwonga chawanangwa cha umoyo icho Yehova wali kutipa para tikupwelelera umoyo withu kweniso wa ŵanyithu.

Kasi Tingalongora Wuli Kuti Tikuwonga Chawanangwa cha Umoyo?

Mungakondwa na Umoyo Kwamuyirayira!—Kusambira Baibolo Mwakudumbiskana
- 5. Chindikani umoyo wa mwana uyo wandababike
  
  Davide wakalemba powemu ya umo Yehova wakuwonera umoyo wa mwana uyo wandababike. Ŵazgani Salimo 139:13-17, kufuma apo dumbiskanani fumbo ili:
  
  Kasi Yehova wakuwona kuti umoyo wa munthu ukwambira pa nyengo iyo mama watolera waka nthumbo panji para mwana wababika?
  
  Malango agho Yehova wakapeleka ku Ŵaisrayeli ghakavikiliranga mwanakazi wa nthumbo kweniso mwana uyo wandababike. Ŵazgani Ekisodo 21:22, 23, kufuma apo dumbiskanani mafumbo agha:
  
  Kasi Yehova wakamuwonanga wuli munthu uyo mwangozi wakoma mwana uyo wandababike?
  
  Kasi wakujipulika wuli para munthu wakomera dala mwana uyo wandababike?b
  
  Kasi mukujipulika wuli na umo Chiuta wakuyiwonera nkhani iyi?
  
  Wonelerani VIDIYO.
  
  VIDIYO: Chindikani Umoyo Nga Umo Chiuta Wakuchitira (5:00)
  
  Nanga ni mwanakazi uyo wakuwona kuti umoyo ngwakuzirwa chomene, nayo nyengo zinyake wangawona kuti kufumiska nthumbo ndiyo ni nthowa yekha iyo wangamazgira suzgo. Ŵazgani Yesaya 41:10, kufuma apo dumbiskanani mafumbo agha:
  
  Para mwanakazi wakuchichizgika kuti wafumiske nthumbo, kasi ni nkhu uko wangasanga wovwiri? Chifukwa wuli?

Kasi Tingalongora Wuli Kuti Tikuwonga Chawanangwa cha Umoyo?

Mungakondwa na Umoyo Kwamuyirayira!—Kusambira Baibolo Mwakudumbiskana
- b Ŵanthu awo ŵali kufumiskapo nthumbo ŵakwenera yayi kukhalira waka kujiyimba mulandu, chifukwa Yehova wangaŵagowokera. Kuti mumanye vinandi, wonani nkhani yakuti “Kasi Baibolo Likuti Wuli pa Nkhani ya Kufumiska Nthumbo?” iyo yili pa chigaŵa chakuti Sangani Fundo Zakusazgikira mu sambiro ili.