• 

  5. Ŵanthu ŵakupulikira ŵazamukhala mwakufwasa mu mfwiri wa Ufumu wa Yesu

¹⁰ Umo uchimi uwu ukafiskikira. Yehova wakabonthora Mwana wake, Yesu Khristu, kufuma mu mphapu ya Davide (‘khuni litali la sidara’) na kumupanda pa Phiri la Ziyoni (“pachanya pa phiri litali chomene) kuchanya. (Sal. 2:6; Yer. 23:5; Chivu. 14:1) Ntheura Yehova wakatora Mwana wake, uyo ŵalwani ŵake ŵakumuwonanga nga “ngwakuyuyulika chomene pakati pa ŵanthu,” ndipo wakamukwezga pachanya pakumupa “chitengo cha Davide, awiske.” (Dan. 4:17; Luka 1:32, 33) Nga khuni likuru la sidara, Yesu Khristu, uyo ni Mesiya, wazamukwezgeka pa charu chose chapasi na kutumbika ŵanthu wose awo ŵakumupulikira. Uyu ndiyo ni Mulongozgi uyo tikwenera kumugomezga nadi. Mu Ufumu wa Yesu, ŵanthu ŵakupulikira pa charu chose chapasi ‘ŵazamukhala mwakufwasa ndipo ŵazamuyungwa yayi chifukwa cha kopa soka.’—Zinth. 1:33