4. Kasi tingasambirako vichi ku nkhani ya chakupeleka kwa Yehova?

⁴ Kasi nkhani ya chakupeleka kwa Yehova iyi yikutisambizga vichi? Pakudankha kupatura malo gha chakupeleka chapadera ndipo pamasinda gha mafuko, Yehova wakalongora kuti ŵanthu ŵakwenera kuchindika chomene chigaŵa ichi cha charu. (Ezek. 45:1) Tikukayika yayi kuti ŵazga ŵara ŵakasambirako vinandi pa umo charu chikagaŵikira. Ŵakamanya kuti kusopa Yehova chikeneranga kuŵa chinthu chakwamba pa umoyo wawo. Mazuŵa ghano, nase tikuwona vinthu vyauzimu nga nkhusambira Mazgu gha Chiuta, kuwungana, na kupharazga kuŵa vyakuzirwa chomene. Para tikuyezga Yehova pa nkhani iyi, kusopa ndicho chiŵenge chinthu chakwamba pa umoyo withu.

D. “Chigaŵa Chituŵa”

Chigaŵa chakunena ntcha “Ŵalevi.” Ni “malo ghakupatulika.” Chigaŵa chapakati ‘ntchakupeleka chakupatulika cha ŵasembe.’ Ni “malo ghakuzengapo nyumba zawo na malo ghakupatulika ghakuti paŵe malo ghatuŵa,” panji kuti tempile.

EZEK. 45:1-5; 48:9-14