-
“Kose Uko Mlonga Uwu Ukulazga Chilichose Chamuŵa Chamoyo”Yehova Wawezgerapo Kusopa Kutuŵa!
-
-
1, 2.Mwakuyana na Ezekiyeli 47:1-12, kasi Ezekiyeli wakawona na kumanya vichi? (Wonani chithuzi chakwamba.)
EZEKIYELI wakawonaso chinthu chinyake chakuzizika mu mboniwoni ya tempile. Wakawona kamugelo ka maji kakufuma mu malo ghakupatulika. Muŵe nga mukuwona Ezekiyeli wakulondezga umo maji ghakutowa agha ghakwendera. (Ŵazgani Ezekiyeli 47:1-12.) Maji agha ghakufuma pasi pa mulyango wa malo ghakupatulika, ndipo ghakubulikira kuwaro kwa tempile, pafupi na chipata cha kumafumiro gha dazi. Mungelo wakumulongozga Ezekiyeli kufuma nayo mu tempile, ndipo wakupima mtunda uliwose uwo ŵendapo. Mungelo wakumujumphiska Ezekiyeli mu maji kanandi waka, ndipo Ezekiyeli wakuwona kuti maji ghakunyang’amira luŵiro chomene. Paumaliro wakusanga kuti mlonga uwu wazgoka mlonga ukuru wakuti wakukhumbikwira kushuwa (kuskamba) kuti wambuke.
-
-
“Kose Uko Mlonga Uwu Ukulazga Chilichose Chamuŵa Chamoyo”Yehova Wawezgerapo Kusopa Kutuŵa!
-
-
5. Kasi mboniwoni ya mlonga yikapembuzga wuli awo panji ŵakaghanaghananga kuti kwamuŵavya vitumbiko vyakukwanira waliyose?
5 Kasi vitumbiko ivi vikaŵa vyakuti vingakakwana ŵanthu wose? Usange munyake wakafipanga mtima na nkhani iyi, wakwenera kuti wakapembuzgika na mboniwoni iyi. Pakwamba tumaji twa mlonga uwu tukaŵa tuchoko chomene, kweni pamtunda uchoko waka tukazgoka mlonga ukuru. (Ezek. 47:3-5) Nkhani yikaŵa yakuti nanga Ŵayuda ŵangakababana chomene para ŵawelera kwawo, Yehova nayo wamusazgirako vitumbiko kuti vikakwanire waliyose. Mlonga uwu ukaŵa muzgezge wa vitumbiko vinandi na vyakukwana.
-