14. Kasi Ciuta waŵapenjenge kufikira mphani awo ŵakujiyowoya kuti mbasopi ŵake?

¹⁴ Kasi Yehova waŵapenjenge kufikira mphani awo ŵakujiyowoya kuti mbasopi ŵake? Ucimi ukurutilira kuti: ‘Mu nyengo iyo nditipenje Yerusalemu na nyali, ndipo nditilange ŵantu aŵo ŵakufwasa pa masese ghaŵo, aŵo ŵakuti mu mtima waŵo, Yehova kuti wacite ciweme cara, nesi kucita ciheni. Nteura mpango zaŵo zizgoke vyakuskogha, ndipo nyumba zaŵo zipasuke. Nanga ŵakuzenga nyumba, kuti ŵakharengemo cara; nanga ŵakupanda minda ya mpeska, kuti ŵamwenge vinyo laŵo cara.’—Zefaniya 1:12, 13.

16. Ncivici cikenera kucitika apo ceruzgo ca Ciuta cikafika pa caru ca Yuda, ndipo kumanya za ici kukwenera kutikhwaska wuli ise?

¹⁶ Ŵacigaruka mu caru ca Yuda ŵakacenjezgeka kuti Ŵababulone ŵazamupoka cuma cawo, na kupasula nyumba zawo, na kupoka vipasi vya mpeska zawo. Katundu wawo wakaŵavye ncito apo ceruzgo ca Ciuta cikafika pa caru ca Yuda. Ici cizamuyana waka na para zuŵa la ceruzgo la Yehova liza pa kaŵiro aka ka vintu. Mphanyi taŵa na kaghanaghaniro kauzimu na ‘kujiŵikira usambazi kucanya’ mwa kuŵika uteŵeti wa Yehova pa malo ghakwamba mu umoyo withu.—Mateyu 6:19-21, 33.