FUMBO 6
Kasi Baibolo likayowoyachi vya Mesiya?
IVYO LIKAYOWOYA
“Iwe, Betelehemu Efurata, . . . mwa iwe muzamufuma uyo wazamuŵa muwusi wa Israyeli.”
KUFISKIKA KWAKE
“Yesu wakati wababika mu Betelehemu wa Yudeya mu mazuŵa gha Themba Herode, wonani! ŵakumanya vya nyenyezi ŵakumafumiro gha dazi ŵakiza ku Yerusalemu.”
IVYO LIKAYOWOYA
“Ŵakugaŵana malaya ghane, ŵakuchita mphenduzga pa chakuvwara chane.”
KUFISKIKA KWAKE
“Sono ŵasilikari ŵakati ŵamukhoma Yesu pa khuni, ŵakatora malaya ghake ghakuwaro na kughagaŵa panayi . . . Ŵakatoraso laya lake lamukati, kweni laya ili likaŵa lambura musono, pakuti likalukika kufuma pachanya m’paka musi. Ntheura ŵakadumbiskana kuti: ‘Tingalipaluranga yayi, kweni tiyeni tichite mphenduzga kuti tiwone uyo liŵenge lake.’”
IVYO LIKAYOWOYA
“Wakusunga viwangwa vyake vyose. Palije na chimoza icho chaphyokapo.”
KUFISKIKA KWAKE
“Ŵati ŵafika pa Yesu, ŵakawona kuti wafwa kale ntheura ŵakaphyora chara malundi ghake.”
IVYO LIKAYOWOYA
“Wakalasika chifukwa cha maubudi ghithu.”
KUFISKIKA KWAKE
“Yumoza wa ŵasilikari wakamuvotora mu mbambo na mkondo, ndipo nyengo yeneyiyo ndopa na maji vikafuma.”
IVYO LIKAYOWOYA
“Ŵakanipa malipiro ghane, masiliva 30.”
KUFISKIKA KWAKE
“Yumoza wa ŵasambiri 12, uyo wakachemekanga Yudasi Isikariyoti, wakaluta ku ŵalara ŵa ŵasembe, wakati: ‘Kasi munipenge vichi kuti nimupeleke kwa imwe?’ Ŵakapangana nayo ndalama 30 zasiliva.”