• Kasi Mukhuŵarenge Chifukwa cha Yesu?
    Gongwe la Mulinda (Lakusambira)—2021 | Meyi

    • (3) YESU WAKALONDEZGA MITHETO YA ŴAYUDA YAYI

      Ŵanthu ŵanandi ŵakakhuŵara chifukwa Yesu wakalondezga mitheto ya ŵayuda yayi. Kasi vingachitika wuli kuti ŵanyake ŵakhuŵare mazuŵa ghano? (Wonani ndime 13)d

      13. Chifukwa wuli ŵanandi ŵakamukana Yesu?

      13 Apo Yesu wakaŵa pa charu chapasi, ŵasambiri ŵa Yohane Mubatizi ŵakazizwa chomene na ŵasambiri ŵa Yesu chifukwa ŵakaziŵizganga yayi kurya. Yesu wakati ŵasambiri ŵake ŵakaŵavya chifukwa chakuziŵizgira kurya apo iyo wakaŵa kuti ngwamoyo. (Mat. 9:14-17) Kweni Ŵafarisi na ŵanyake ŵakamususkanga Yesu chifukwa wakachitangako yayi tumaluso na tumitheto uto iwo ŵakachitanga. Iwo ŵakakwiyanga chomene para Yesu wachizga ŵanthu pa Sabata. (Mrk. 3:1-6; Yoh. 9:16) Nangauli iwo ŵakatenge ŵakulichindika chomene zuŵa la Sabata; kweni ŵakachitangaso malonda pa zuŵa lenelili. Ŵakakwiya chomene Yesu wakati waŵasuska. (Mat. 21:12, 13, 15) Ŵanthu awo ŵakategherezganga upharazgi wa Yesu mu sunagoge ku Nazarete, ŵakakwiya chomene apo wakayowoya chiyelezgero icho chikavumbura kuti mbakujighanaghanira ŵekha kweniso ŵalije chipulikano. (Luka 4:16, 25-30) Ŵanthu ŵanandi ŵakamukana Yesu chifukwa wakachita vinthu ivyo ŵakakhazganga yayi.​—Mat. 11:16-19.

      14. Chifukwa wuli Yesu wakasuska tumaluso uto tukakolerananga yayi na Malemba?

      14 Kasi Malemba ghakuti wuli? Yehova wakayowoyerathu kwizira mwa ntchimi Yesaya kuti: “Ŵanthu aŵa ŵakusendelera kwa ine na mulomo wawo, ŵakunichindika na milomo yawo, kweni mtima wawo uli kutali na ine, ndipo ŵakuniwopa pakutolera malango gha ŵanthu agho ŵali kusambizgika.” (Yes. 29:13) Yesu wakaneneskanga pakususka tumaluso uto tukakolerananga yayi na Malemba. Awo ŵakawonanga kuti tumalango na tumaluso twaŵanthu nthwakuzirwa chomene kuluska Malemba, ŵakakanangaso Yehova na Mesiya uyo wakamutuma.

  • Kasi Mukhuŵarenge Chifukwa cha Yesu?
    Gongwe la Mulinda (Lakusambira)—2021 | Meyi

    • (4) YESU WAKANJILIRAPO YAYI PA NDYALI KUTI WASINTHE VINTHU

      Ŵanthu ŵanandi ŵakakhuŵara chifukwa Yesu wakanjilirapo yayi pa ndyali kuti wasinthe vinthu. Kasi vingachitika wuli kuti ŵanyake ŵakhuŵare mazuŵa ghano? (Wonani ndime 17)e

      17. Kasi ŵanthu ŵanandi mu nyengo ya Yesu ŵakakhazganga vichi?

      17 Ŵanthu ŵanyake mu nyengo ya Yesu ŵakakhumbanga kuti boma lisinthe. Iwo ŵakaghanaghananga kuti Mesiya wazamuŵafwatura ku muwuso wa nkhaza wa Ŵaroma. Kweni Yesu wakakana apo ŵakakhumbanga kumukora na kumuzgora themba. (Yoh. 6:14, 15) Ŵanthu ŵanyake pamoza na ŵasembe ŵakafipanga mtima kuti Yesu wasinthenge vinthu pa ndyali, ndipo Ŵaroma ŵakwiyenge na kupoka mazaza gha ŵalongozgi ŵa visopa. Ŵayuda ŵanandi ŵakamukana Yesu chifukwa ŵakafipanga mtima na vinthu vya ndyali.

      18. Kasi ni mauchimi wuli agho ŵanthu ŵanandi ŵakaŵikangako mahara yayi ghakukhwaskana na Mesiya?

      18 Kasi Malemba ghakuti wuli? Nangauli mauchimi ghanandi ghakayowoyerathu kuti Mesiya wazamutonda paumaliro, kweni mauchimi ghanyake ghakati chakwamba wazamufwa dankha chifukwa cha zakwananga zithu. (Yes. 53:9, 12) Chifukwa wuli Ŵayuda ŵakaŵa na maghanoghano ghakubudika ghakukhwaskana na Mesiya? Ŵanthu ŵanandi mu nyengo ya Yesu ŵakaŵikangako mahara yayi ku mauchimi ghanyake, agho ghakayowoyangapo yayi kuti masuzgo ghawo ghamarenge sonosono.​—Yoh. 6:26, 27.