-
“Kwambura Ntharika Wakayowoyanga Nawo Chara”“Wize Uŵe Mulondezgi Wane”
-
-
13 Yesu wakayowoyaso vinthu vinyake vyakumanyikwa makora vyakukhwaskana na nthowa yakukhira “kufuma ku Yerusalemu kuya ku Yeriko.” Umo ntharika iyi yikuyowoyera, wasembe na Mulevi nawo ŵakenda nthowa yeneyira, nangauli ŵakimilira yayi kuti ŵawovwire munthu wakupwetekeka. (Luka 10:31, 32) Ŵasembe ŵakateŵeteranga pa tempile mu Yerusalemu, ndipo Ŵalevi ŵakaŵawovwiranga. Ŵasembe na Ŵalevi ŵanandi ŵakakhalanga ku Yeriko para ŵalije mulimo pa tempile. Yeriko wakaŵa pa mtunda wa makilomita 23 kufuma ku Yerusalemu. Ntheura kanandi ŵakendanga nthowa yeneyira. Wonaniso kuti Yesu wakayowoya kuti munthu yura “wakakhiranga kufuma ku Yerusalemu,” kuti wakakweranga yayi. Ichi chikaŵa chakupulikikwa ku ŵategherezgi ŵake. Yerusalemu wakaŵa pachanya apo Yeriko wakaŵa musi. Ntheura, para munthu wakendanga “kufuma ku Yerusalemu,” ndikuti “wakakhiranga” nadi.b Apa Yesu wakaghanaghanira ŵategherezgi ŵake.
-
-
“Kwambura Ntharika Wakayowoyanga Nawo Chara”“Wize Uŵe Mulondezgi Wane”
-
-
b Kweniso Yesu wakati wasembe na Mulevi ‘ŵakafumanga ku Yerusalemu,’ ntheura ŵakafumanga ku tempile. Ipo palije munthu uyo wangayowoya kuti ŵakachita makora kumuleka munthu uyo wakaŵa nga wafwa chifukwa chakuti ŵakawopanga kuti ŵangaŵa ŵambura kwenelera kukateŵetera pa tempile.—Levitiko 21:1; Maŵazgo 19:16.
-