• Wovwirani Ŵadumbu mu Mpingo Winu
    Gongwe la Mulinda (Lakusambira)—2020 | Seputembala
    • Yesu wakhala pasi apo wakusambizga. Marita na Mariya ŵakhala musi mu malundi mwake. Chithuzi: 1. Mbumba yaluta kukawona mudumbu muchekuru uyo wakulwaralwara. Mfumu wake wakuyowoya nayo apo muwoli wake wakuŵika vinthu ivyo ŵamugulira. 2. Mbumba yikuchita kusopa kwa mbumba pamoza na mudumbu munyake na mwana wake msungwana. 3. Mubali wakovwira ŵadumbu ŵaŵiri kusintha tayala la galimoto yawo.

      Nga ni Yesu, nase tingalongora kuti tikuŵatemwa ŵadumbu ŵithu ŵakugomezgeka (Wonani ndime 6-9)e

      6. Kuyana na Luka 10:38-42, kasi Yesu wakawovwira wuli Mariya na Malita?

      6 Yesu wakapaturanga nyengo yakuchezga na ŵanakazi awo ŵakachitanga khumbo la Chiuta, ndipo wakaŵa mubwezi wanadi kwa iwo. Ghanaghanirani ubwezi uwo ukaŵapo pakati pa iyo, Mariya na Marita. Ŵanakazi aŵa, wose ŵakaŵa ŵambura kutengwa. (Ŵazgani Luka 10:38-42.) Ivyo wakayowoyanga na kuchita ndivyo vikwenera vikapangiska kuti ŵafwatukenge nayo. Mwachiyelezgero, pakuŵa msambiri, Mariya wakafwatuka kukhala musi mu malundi gha Yesu.c Marita nayo wakafwatuka kuphalira Yesu maghanoghano ghake apo wakawona kuti Mariya wakumovwirako yayi kunozga chakurya. Pa zuŵa ili, Yesu wakawovwira ŵanakazi aŵa kusambira vinthu vyakuzirwa. Ndipo wakalongora kuti wakaŵaghanaghaniranga ŵanakazi aŵa na mudumbu wawo, Lazaro, chifukwa chakuti wakaŵayenderangaso mazuŵa ghanyake. (Yoh. 12:1-3) Lekani ntchakuzizika yayi kuti Mariya na Marita ŵakapempha Yesu kuti waŵawovwire apo Lazaro wakalwara.—Yoh. 11:3, 5.