LAYIBULARE YA PA INTANETI ya Watchtower

“Tikwenera Kupulikira Chiuta nga Muwusi”

“Kuchitira Ukaboni Mwakukwana vya Ufumu wa Chiuta”
- Nase tikupharazga “kunyumba na nyumba” nga umo ŵakachitiranga ŵapositole
  
  16. Kasi ŵapositole ŵakalongora wuli kuti ŵakaŵikapo mtima kuchitira ukaboni mwakukwana, ndipo ise tikulondezga wuli nthowa ya ŵapositole yakupharazgira?
  
  ¹⁶ Mwaluŵiro, ŵapostole ŵakambiraso mulimo wa kupharazga. Ŵakawopa yayi. Ŵakalutilira “zuŵa lililose mu tempile na ku nyumba na nyumba” kuchita mulimo wa “kupharazga makani ghawemi ghakuyowoya vya Khristu.”d (Mil. 5:42) Ŵapharazgi ŵamwamphu aŵa ŵakaŵikapo mtima kuchitira ukaboni mwakukwana. Wonani kuti ŵakalutanga ku nyumba za ŵanthu na uthenga, nga umo Yesu Khristu wakaŵaphalilira. (Mat. 10:7, 11-14) Tikukayika yayi kuti ndicho ntchifukwa ŵakazuzga Yerusalemu na chisambizgo chawo. Mazuŵa ghano, Ŵakaboni ŵa Yehova ŵakumanyikwa chifukwa cha kulondezga nthowa ya ŵapositole iyi yakupharazgira. Para tikuluta ku nyumba yiliyose mu chigaŵa chithu, tikulongora kuti nase tikuchitira ukaboni mwakukwana, kupeleka mwaŵi kwa waliyose kuti wapulike makani ghawemi. Kasi Yehova watumbika uteŵeti withu wa ku nyumba na nyumba? Enya, watumbika. Mu mazuŵa ghaumaliro agha, ŵanthu mamiliyoni ghanandi ŵapulikira uthenga wa Ufumu, ndipo ŵanandi kakaŵa kakwamba kupulika makani ghawemi apo Kaboni wakiza pa nyumba yawo.
  
  KUPHARAZGA “NYUMBA NA NYUMBA”
  
  Nangauli khoti la Sanihedirini likaŵakanizga kupharazga, kweni ŵasambiri ŵakalutilira kupharazga na kusambizga “zuŵa lililose mu tempile na ku nyumba na nyumba.” (Mil. 5:42) Kasi mazgu ghakuti “ku nyumba na nyumba” ghakung’anamurachi chomenechomene?
  
  Lizgu lakwambilira Lachigiriki lakuti katʼ oiʹkon likung’anamura kuti “mwakuyana na nyumba.” Ŵanthu ŵanandi awo ŵakung’anamura mabuku ŵakuyowoya kuti lizgu lakuti ka·taʹ lili na ng’anamuro la “kugaŵizga.” Ntheura, ichi chikulongora kuti upharazgi wa ŵasambiri ukagaŵizgikanga kufuma pa nyumba yimoza kuya pa yinyake. Lizgu lakuti ka·taʹ lili kulembekaso pa Luka 8:1, apo pakuti Yesu wakapharazganga ku “msumba na msumba kweniso muzi na muzi.”
  
  Lizgu lakuti katʼ oiʹkous ndilo lili kulembeka pa Milimo 20:20. Mpositole Paulosi wakaphalira ŵalaŵiliri Ŵachikhristu kuti: “Nkhalekapo yayi . . . kumusambizgani pakweru na ku nyumba na nyumba.” Pa lemba ili Paulosi wakayowoyanga za kusambizga mu nyumba za ŵalara yayi, nga umo ŵanji ŵakuyowoyera, kweni wakang’anamuranga ivyo vili mu vesi lakulondezgapo, ilo likuti: “Kweni nkhachitira ukaboni mwakukwana ku Ŵayuda na Ŵagiriki kuti ŵang’anamuke mtima na kuwelera kwa Chiuta, ndiposo kuti ŵaŵe na chipulikano mwa Fumu yithu Yesu.” (Mil. 20:21) Ŵakhristu ŵakaŵa kuti ŵalapa kale ndipo ŵakaŵa na chipulikano mwa Yesu. Ntheura ichi chikulongora kuti Paulosi wakapharazganga na kusambizga ku nyumba na nyumba, kuchitira ukaboni ku ŵanthu ŵambura kugomezga.

“Tikwenera Kupulikira Chiuta nga Muwusi”

“Kuchitira Ukaboni Mwakukwana vya Ufumu wa Chiuta”
- Lizgu lakwambilira Lachigiriki lakuti katʼ oiʹkon likung’anamura kuti “mwakuyana na nyumba.” Ŵanthu ŵanandi awo ŵakung’anamura mabuku ŵakuyowoya kuti lizgu lakuti ka·taʹ lili na ng’anamuro la “kugaŵizga.” Ntheura, ichi chikulongora kuti upharazgi wa ŵasambiri ukagaŵizgikanga kufuma pa nyumba yimoza kuya pa yinyake. Lizgu lakuti ka·taʹ lili kulembekaso pa Luka 8:1, apo pakuti Yesu wakapharazganga ku “msumba na msumba kweniso muzi na muzi.”
  
  Lizgu lakuti katʼ oiʹkous ndilo lili kulembeka pa Milimo 20:20. Mpositole Paulosi wakaphalira ŵalaŵiliri Ŵachikhristu kuti: “Nkhalekapo yayi . . . kumusambizgani pakweru na ku nyumba na nyumba.” Pa lemba ili Paulosi wakayowoyanga za kusambizga mu nyumba za ŵalara yayi, nga umo ŵanji ŵakuyowoyera, kweni wakang’anamuranga ivyo vili mu vesi lakulondezgapo, ilo likuti: “Kweni nkhachitira ukaboni mwakukwana ku Ŵayuda na Ŵagiriki kuti ŵang’anamuke mtima na kuwelera kwa Chiuta, ndiposo kuti ŵaŵe na chipulikano mwa Fumu yithu Yesu.” (Mil. 20:21) Ŵakhristu ŵakaŵa kuti ŵalapa kale ndipo ŵakaŵa na chipulikano mwa Yesu. Ntheura ichi chikulongora kuti Paulosi wakapharazganga na kusambizga ku nyumba na nyumba, kuchitira ukaboni ku ŵanthu ŵambura kugomezga.