• “Khumbo la Yehova Lichitike”
    “Kuchitira Ukaboni Mwakukwana vya Ufumu wa Chiuta”

    • Nkhani iyi yili pa Milimo 21:1-17

      1-4. Chifukwa wuli Paulosi wakaluta ku Yerusalemu, ndipo ni vinthu wuli ivyo vikamulindiliranga?

      APO Paulosi na Luka ŵakafumangako ku Mileto, ŵabali wose ŵakaŵa na chitima. Chikaŵa chakusuzga chomene kuti Paulosi na Luka ŵalekane na ŵalara ŵa mu Efeso, awo ŵakaŵatemwanga chomene. Ŵamishonale ŵaŵiri aŵa ŵakimilira mu boti. Vikwama vyawo vikazura na vinthu vyakukhumbikwa pa ulendo uwu. Ŵakayeghaso ndalama za Ŵakhristu ŵakusoŵerwa ŵa mu Yudeya, ndipo chilato chawo chikaŵa chakuti ŵawoneseske kuti vyawanangwa ivi vyapelekeka.

      2 Mphepo yikaputanga pachokopachoko na kutimba visalu vya ngalaŵa, ndipo yikamba kwenda na kulekana na chongo cha pa dowoko. Ŵanalume ŵaŵiri aŵa na ŵanyawo awo ŵakendanga nawo ŵakalaŵiska ŵabali ŵawo awo ŵakaŵa na chitima pa mlima. (Mil. 20:4, 14, 15) Awo ŵakaŵa pa ulendo, ŵakalutilira kuŵabayibiska ŵabwezi ŵawo mpaka ŵakaleka kuwoneka.

  • “Khumbo la Yehova Lichitike”
    “Kuchitira Ukaboni Mwakukwana vya Ufumu wa Chiuta”

    • 5. Kasi Paulosi na awo wakaŵa nawo ŵakenda wuli pakuluta ku Ture?

      5 Boti ilo Paulosi na ŵanyake ŵakakwera ‘likajumphilira waka.’ Chifukwa chakuti likatutuzgikanga makora na mphepo, likenda kwambura kuzgombazgomba mpaka likafika pa Kosi zuŵa lenelira. (Mil. 21:1) Vikulongora kuti boti ili likagona pa malo agha. Kufuma apo, ndipo likalutanga ku Rode na Patara. Ku Patara, kumwera kwa Asia Minor, ŵabali ŵakakwera ngalaŵa yikuru ya katundu, iyo yikaŵakhizgira ku Ture, mu Fonike. Apo ŵakendanga, ŵakaleka “chirwa cha Kipro . . . chadera kumazere.” (Mil. 21:3)Chifukwa wuli Luka, uyo wakalemba buku la Milimo, wakayowoya kuti ŵakajumphilira pa Kipro?