-
“Chimbirani Uzaghali”“Mujisungilire mu Chitemwa cha Chiuta”
-
-
3. Kasi nyambo iyo Balamu wakagwiliskira ntchito yikamwendera wuli?
3 Kasi nthowa iyi yikamwendera? Enya, yikamwenderako. Ŵanalume ŵanandi mu Israyeli ŵakakoleka na nyambo iyi ndipo ŵakamba “kuchita uzaghali na ŵanakazi ŵa ku Mowabu.” Ŵakamba nanga nkhusopa ŵachiuta ŵa Ŵamoabu, kusazgapo Baala wa Peor, uyo wakaŵa chiuta munyankhasi wa kuwuska mphapu panji kugonana. Chifukwa cha kuchita nthena, Ŵaisrayeli ŵakukwana 24,000 ŵakafwa ŵati ŵakhala pachoko chomene kunjira mu Charu cha Layizgano. Chikaŵa chinthu chachitima chomene!—Maŵazgo 25:1-9.
-
-
“Chimbirani Uzaghali”“Mujisungilire mu Chitemwa cha Chiuta”
-
-
4. Chifukwa wuli Ŵaisrayeli ŵanandi ŵakakopeka na uzaghali?
4 Kasi ntchivichi chikapangiska ivi kuchitika? Ŵanthu ŵanandi ŵakaŵa na mtima uheni chifukwa cha kupatukako kwa Yehova, Chiuta uyo wakaŵawombora ku Eguputo, kuŵaryeska mu mapopa, na kuŵavikilira m’paka ŵakanjira mu charu cha layizgano. (Ŵahebere 3:12) Wati waghanaghanira nkhani iyi, mpositole Paulosi wakalemba kuti: “Tingachitanga uzaghali yayi, nga umo ŵanyake ŵa iwo ŵakachitira uzaghali, ndipo ŵanthu 23,000 ŵakafwa mu zuŵa limoza.”a—1 Ŵakorinte 10:8.
-
-
“Chimbirani Uzaghali”“Mujisungilire mu Chitemwa cha Chiuta”
-
-
a Unandi wa awo ŵakafwa uwo uli kulembeka mu buku la Maŵazgo ukwenera kuti ukasazgangapo “ŵalongozgi wose ŵa ŵanthu” awo ŵakakomeka na ŵeruzgi. Ŵanthu aŵa ŵakwenera kuti ŵakakwana 1,000. Ntheura kusazgapo awo ŵakakomeka na Yehova mwakudunjika ŵakakwana 24,000.—Maŵazgo 25:4, 5.
-