4. Muwonenge kuti kusambira Baibolo nkhwakuzirwa chomene

Nyengo zinyake tikutangwanika chomene mwakuti tingawona kuti tilije nyengo yakusambilira Baibolo. Kasi ntchivichi chingamovwirani kuti mulutilire kusambira Baibolo? Ŵazgani Ŵafilipi 1:10, kufuma apo dumbiskanani mafumbo agha:

• Kasi mukuwona kuti “vinthu vyakuzirwa chomene” ni vichi pa umoyo?

• Kasi mungachita wuli kuti kusambira Baibolo kuŵenge pakwamba pa umoyo winu?

1. Para mwamba kuŵika mchenga mu pelo, mbwenu malibwe ghanyake ghasoŵenge malo

2. Para mwamba kuŵika malibwe, mbwenu mchenga unandi unjirenge. Mwakuyana waka, usange mukuŵika pakwamba “vinthu vyakuzirwa chomene” pa umoyo winu, mbwenu muŵenge na nyengo yinandi yakuchitiraso vinthu vinyake

Para tikusambira Baibolo tikukhorweska njara yithu yauzimu, tikumumanya makora Chiuta ndipo tikumusopa. Ŵazgani Mateyu 5:3, kufuma apo dumbiskanani fumbo ili:

• Kasi tingasanga chandulo wuli para kusambira Baibolo ndiko kukuŵa pakwamba pa umoyo withu?

4. Gwiliskirani ntchito mwamahara nyengo yinu

VIDIYO: Kasi Ntchivichi Chikumuryerani Nyengo? (2:45)

• Nangauli mubali wawoneleranga vinthu viheni yayi, kweni kasi suzgo languŵa vichi?

Ŵazgani Ŵafilipi 1:10, kufuma apo dumbiskanani fumbo ili:

• Kasi lemba ili lingatovwira wuli kuti tileke kumalira nyengo yinandi pa vyakusanguluska?