• Yowoyani “Mazgu Ghawemi Ghakuzenga”
    “Mujisungilire mu Chitemwa cha Chiuta”

    • 7, 8. Kasi Yehova wazamuchita nase wuli chifukwa cha mazgu ghithu?

      7 Chifukwa chachitatu icho tikwenera kukolera kayowoyero kithu ntchakuti Yehova wazamutifumba pa mazgu agho tikuyowoya. Umo tikugwiliskira ntchito lulimi lwithu vikukhwaska ubwezi withu na ŵanyithu, kweniso ubwezi withu na Yehova. Lemba la Yakobe 1:26 likuti: “Usange munthu wakujiwona kuti wakusopa Chiuta kweni wakutondeka kukora lulimi lwake, wakupusika mtima wake, ndipo kusopa kwa munthu uyu nkhwawaka.”b Nga umo tikawonera mu mutu uwo wajumpha, ivyo tikuyowoya vikwendera lumoza na kasopero kithu. Usange tikukora yayi lulimi lwithu, na kufumiska mazgu ghakupweteka ndiposo ghakusakaza, milimo yose iyo tikuchitira Chiuta yiŵenge yambura ntchito pamaso pake. Fundo iyi njakuzirwa chomene kuyighanaghanira.​—Yakobe 3:8-10.