• Mu Baibolo Muli Uthenga Wakufuma kwa Chiuta
    Mungakondwa na Umoyo Kwamuyirayira!—Kusambira Baibolo Mwakudumbiskana

    • 1. Usange ŵanthu ndiwo ŵakalemba Baibolo, chifukwa wuli tikuti ndakufuma kwa Chiuta?

      Baibolo likalembeka na ŵanthu 40, ndipo likatora vyaka pafupifupi 1,600 kuti lilembeke. Buku lakwamba likalembeka vyaka 3500 ivyo vyajumpha, ndipo buku laumaliro likalembeka vyaka pafupifupi 1900 ivyo vyajumpha. Awo ŵakalemba Baibolo ŵakakulira mu malo na nyengo zakupambana, kweni ivyo ŵakalemba vikukolerana. Kasi ivi vikachitika wuli? Chifukwa Chiuta ndiyo ni Mweneko wa Baibolo. (Ŵazgani 1 Ŵatesalonika 2:13.) Awo ŵakalemba Baibolo, ŵakalemba maghanoghano ghawo yayi. Kweni “ŵakayowoyanga vyakufuma kwa Chiuta pakulongozgeka na mzimu utuŵa.”a (2 Petrosi 1:21) Chiuta wakaŵawovwira na mzimu utuŵa kuti ŵalembe maghanoghano ghake.—2 Timote 3:16.

  • Kasi Mungamulongosora Wuli Yehova?
    Mungakondwa na Umoyo Kwamuyirayira!—Kusambira Baibolo Mwakudumbiskana

    • 4. Mzimu utuŵa ni nkhongono iyo Chiuta wakugwiliskira ntchito

      Vithuzi: Vinthu ivyo mzimu wa Chiuta wachita1. Mapulaneti na chilengiwa. 2. Mulembi wa Baibolo wakulemba maghanoghano gha Chiuta mu mipukutu.

      Nga umo ise tikugwiliskira ntchito mawoko kuti tigwire ntchito, Yehova nayo wakugwiliskira ntchito mzimu utuŵa pakuchita vinthu. Baibolo likuti mzimu utuŵa ni munthu yayi, kweni ni nkhongono iyo Chiuta wakugwiliskira ntchito. Ŵazgani Luka 11:13 na Milimo 2:17, kufuma apo dumbiskanani mafumbo agha:

      • Chiuta watipenge mzimu utuŵa para tamupempha. Kasi mukughanaghana kuti mzimu utuŵa ni vichi? Chifukwa wuli mukughanaghana nthena?

      Yehova wakugwiliskira ntchito mzimu utuŵa kuti wachite ivyo wakukhumba. Ŵazgani Salimo 33:6 na 2 Petrosi 1:20, 21, kufuma apo dumbiskanani fumbo ili:

      • Kasi ni vyakuchitika wuli vinyake ivyo Yehova wakagwiliskira ntchito mzimu utuŵa?

      Vithuzi: Vinthu ivyo mzimu wa Chiuta wachita. 1. Mapulaneti na chilengiwa. 2. Mulembi wa Baibolo wakulemba maghanoghano gha Chiuta mu mipukutu.