5. Kasi Yehova wakukhazga vichi ku ŵabwezi ŵake?

Kanandi tikukhazga vinthu viwemi kufuma ku ŵabwezi ŵithu.

• Kasi imwe mungakhumba kuti ŵabwezi ŵinu ŵamuchitirani vichi?

Ŵazgani 1 Yohane 5:3, kufuma apo dumbiskanani fumbo ili:

• Kasi Yehova wakukhumba kuti ŵabwezi ŵake ŵachitenge vichi?

Kuti timupulikire Yehova, tikwenera kusintha nkharo zithu kweniso umo tikuchitira vinthu. Ŵazgani Yesaya 48:17, 18, kufuma apo dumbiskanani fumbo ili:

• Chifukwa wuli Yehova wakukhumba kuti ŵabwezi ŵake ŵachitenge vinthu viwemi?

Munthu wakwenera kusambira dankha vya Yehova na kuŵa na chipulikano mwa iyo kuti wabatizike. (Ŵazgani Ŵahebere 11:6.) Para mwamumanya makora Yehova mumutemwenge chomene na kuŵa na chipulikano chakukhora mwa iyo. Ivi vimovwiraninge kuti muphalirengeko ŵanji vya iyo na kwendera fundo zake pa umoyo winu. (2 Timote 4:2; 1 Yohane 5:3) Para munthu wakuchita ivyo Yehova wakukhumba, ‘wakwenda mwakwenelera na kumukondweska pa chilichose,’ ndipo wangasankha kujipeleka kwa Yehova na kubatizika.—Ŵakolose 1:9, 10.a

Tiyelezgere kuti mwabiranga mu nyanja, mbwenu munthu munyake wamuponoskani, kasi mungaluwa ivyo munthu uyu wamuchitirani? Mungasanga nthowa yakuti mulongore kuwonga pa ivyo wamuchitirani, asi nthe?

Tikwenera kulongora kuti tikumutemwa Yehova. Ŵazgani 1 Yohane 4:8-10, kufuma apo dumbiskanani mafumbo agha:

• Chifukwa wuli sembe ya Yesu ntchawanangwa chapadera chomene?

• Kasi mukujipulika wuli na ivyo Yehova na Yesu ŵali kumuchitirani?

Kasi tingalongora wuli kuti tikuwonga ivyo Yehova na Yesu ŵali kutichitira? Ŵazgani 2 Ŵakorinte 5:15 na 1 Yohane 4:11; 5:3, kufuma apo dumbiskanani fumbo ili:

• Kuyana na ivyo mwaŵerenga, kasi tingalongora wuli kuti tikuwonga?

Kasi sono ndipo mukumutemwa chomene Chiuta kuluska apo mukambanga waka kusambira Baibolo? Kasi mungatemwa kuti mulutilire kukhozga ubwezi winu na Yehova? Manyani kuti para mukumutemwa chomene Yehova, nayo wamutemwaninge na kumupwelelerani. Kasi mungalongora wuli kuti mukumutemwa chomene Yehova?

1. Kasi tingalongora wuli kuti tikumutemwa chomene Yehova?

Tingalongora kuti tikumutemwa chomene Yehova para tikumupulikira na mtima wose. (Ŵazgani 1 Yohane 5:3.) Iyo wakuchichizga munthu yayi kuti wamupulikirenge. Yehova wali kupeleka wanangwa kwa munthu waliyose kuti wasankhe kumupulikira panji yayi. Chifukwa wuli? Yehova wakukhumba kuti timupulikirenge “kufumira pasi pa mtima.” (Ŵaroma 6:17) Iyo wakukhumba kuti mumupulikirenge mwadango waka yayi, kweni chifukwa chakuti mukumutemwa. Chigaŵa 3 na 4 cha buku ili, vimovwiraninge kumanya ivyo mungachita kuti mukondweske Yehova na kuleka kuchita vinthu ivyo vingamukwiyiska.

2. Chifukwa wuli chingaŵa chakusuzga kuti mumutemwenge Yehova?

“Masoka gha murunji nganandi.” (Salimo 34:19) Tose tikusuzgika chifukwa chakuti ndise ŵakwananga. Ndipo nyengo zinyake tikusuzgika chifukwa cha ukavu, vinthu vyambura urunji, na masuzgo ghanyake. Nyengo zinyake para tasangana na masuzgo chingaŵa chakusuzga kuti tichite ivyo Yehova wakukhumba. Vili nthena chifukwa ntchipusu chomene kuchita icho ntchambura kwenelera. Kweni para mukulutilira kuchita mwakugomezgeka vyose ivyo Yehova wakumuphalirani, mukulongora kuti mukumutemwa chomene kuluska chilichose kweniso kuti mukumugomezga chomene. Nakuti nayo wamugomezganinge chomene. Iyo wamutayaninge yayi napachoko.—Ŵazgani Salimo 4:3.

4. Kondweskani mtima wa Yehova

Ŵazgani Zintharika 27:11, kufuma apo dumbiskanani mafumbo agha:

• Kasi Yehova wakujipulika wuli para tikuŵa ŵavinjeru na kumupulikira? Chifukwa wuli?

5. Mungagomezgeka kwa Yehova

VIDIYO: Vikilirani Chipulikano Chinu Nanga Ŵanthu Ŵangamususkani (5:09)

• Kasi vikumusuzgani kuphalirako ŵanyinu vyakukhwaskana na Yehova?

• Kuyana na ivyo mwawona mu vidiyo, kasi ntchivichi chikawovwira Grayson kuti wamazge wofi?

Para tikutemwa ivyo Yehova wakutemwa na kutinkha ivyo wakutinkha, chiŵenge chipusu kugomezgeka kwa iyo. Ŵazgani Salimo 97:10, kufuma apo dumbiskanani mafumbo agha:

• Kuyana na ivyo mwasambira, kasi ni vinthu wuli vinyake ivyo Yehova wakutemwa? Kasi ni vinthu wuli vinyake ivyo wakutinkha?

• Kasi mungachita wuli kuti mutemwenge icho ntchiwemi na kutinkha icho ntchiheni?

6. Tikutumbikika para tikupulikira Yehova

Kupulikira Yehova ndicho ntchakuzirwa chomene. Ŵazgani Yesaya 48:17, 18, kufuma apo dumbiskanani mafumbo agha:

• Kasi mukuwona kuti ntchakwenelera kugomezga kuti Yehova wakumanya icho ntchiwemi kwa ise nyengo zose? Chifukwa wuli?

• Kasi kusambira Baibolo na unenesko wakuyowoya vya Yehova kwamovwirani wuli?

MWAKUDUMURA

Mungalongora kuti mukumutemwa chomene Yehova para mukumupulikira na kugomezgeka kwa iyo nanga chingaŵa chakusuzga kuchita nthena.

Kuweleramo

• Kasi mwasambirako vichi kwa Yobu?

• Kasi mungalongora wuli kuti mukumutemwa Yehova?

• Kasi ntchivichi chingamovwirani kuti mulutilire kugomezgeka kwa Yehova?

SANGANI FUNDO ZAKUSAZGIKIRA

Wonani ivyo vingamovwirani kuti mugomezgekenge kwa Yehova kweniso ku mpingo.

“Uyo Ngwakugomezgeka Mukuchita Nayo Mwakugomezgeka” (16:49)

Wonani ivyo Satana wakayowoya vyakukhwaskana na ŵanthu.

“Yobu Wakulutilira na Kunyoloka Kwake” (Kasi mu Baibolo Muli Uthenga Wuli? chigaŵa 6)

Wonani umo ŵana nawo ŵangalongolera kuti ŵakutemwa Yehova.

Ukondweskenge Yehova (8:16)

Kasi ŵawukirano ŵangachita wuli kuti ŵalutilire kugomezgeka kwa Yehova para ŵanyawo ŵakuŵachichizga kuchita vinthu viheni?

Kanani Kuchichizgika na Ŵanyinu! (3:59)