LAYIBULARE YA PA INTANETI ya Watchtower

Kasi Visopa Vyautesi Vikubinkhiska Wuli Zina la Chiuta?

Mungakondwa na Umoyo Kwamuyirayira!—Kusambira Baibolo Mwakudumbiskana
- 2. Kasi ivyo visopa vyautesi vikuchita, vikubinkhiska wuli zina la Chiuta?
  
  Visopa ivi vikuchita vinthu na ŵanthu nga umo Yehova wakuchitira yayi. Baibolo likuti “zakwananga [za visopa vyautesi] zalundikana m’paka kuchanya.” (Chivumbuzi 18:5) Kwa vyaka vinandi, visopa vikunjilirapo pa ndyali, kukhozgera nkhondo, kuzomerezga kweniso kupangiska kuti ŵanthu ŵanandi ŵafwe. Ŵalongozgi ŵanandi ŵa visopa vyautesi ŵakukhumba waka kusambazga, ndipo ŵakuphalira ŵalondezgi ŵawo kuti ŵaŵapenge ndalama. Ivi vikulongora kuti ŵakumumanya yayi Chiuta, ndipo ŵakubinkhiska waka zina lake.—Ŵazgani 1 Yohane 4:8.

Lutilirani Kugomezgeka kwa Yehova

Mungakondwa na Umoyo Kwamuyirayira!—Kusambira Baibolo Mwakudumbiskana
- Wonelerani VIDIYO.
  
  VIDIYO: Fumanimo mu Babuloni Mukuru! (5:06)
  
  Ŵazgani Luka 4:8 na Chivumbuzi 18:4, 5, kufuma apo dumbiskanani mafumbo agha:
  
  Kasi nili kusisitiska zina lane ku chisopa chautesi?
  
  Kasi nili kunjira wupu uwo ukukolerana na chisopa chinyake?
  
  Kasi ntchito iyo nkhugwira yikukhozgera chisopa chautesi?
  
  Kasi pali vinthu vinyake pa umoyo wane ivyo nkhwenera kusintha chifukwa chakuti vikukhozgera chisopa chautesi?
  
  Usange nazgora kuti enya pa mafumbo agha, kasi ni vinthu wuli ivyo nkhwenera kusintha?
  
  Nyengo zose mukwenera kusankha vinthu ivyo vingamupangiskani kuti muŵe na njuŵi yituŵa kweniso kuti mulutilire kugomezgeka kwa Yehova.
  
  Kasi mungachita wuli usange ŵamupemphani kuti mupeleke wovwiri ku chisopa chinyake?
  
  IVYO ŴANYAKE ŴAKUYOWOYA: “Nkhukhumba kumanya ivyo ŵakugaluka ŵakuyowoya vyakukhwaskana na Ŵakaboni ŵa Yehova kuti nivikilire makora unenesko.”