Tikhwimiskane Yumoza na Munyake

1. Usange tikukhwimiskana

Pakuteŵetera Ciu-ta,

Citemwa cithu cikukura;

Milimo yikutizenga.

Citemwa ca ŵanthu ŵa Ciu-ta

Cikovwira kukhomezga.

Ku mpingo tikuphokwerako,

Ndiko tikusanga mtende.

2. Mazgu ghawemi m’nyengo yake

Ghakupembuzga comene!

Tikupulika mazgu agha

Ku ŵakutemweka ŵithu.

Tikukondwa kuteŵetera

Na ŵacigomezgo cithu!

Tikukhumba kukhwimiskana,

Kuyegherana vizito.

3. Na maso gha cipulikano

Tikuwona zuŵa Lake,

Tiwunganenge na ŵanyithu

Kuti tendenge mu nthowa.

Pamo na ŵanthu ŵa Yehova,

Titeŵetenge kwandanda.

Ntheura tikukhwimiskana

Mwakuti tigomezgeke.