Zani Musamphuskike

1. Tikukhala m’caru cakupuluka;

Cili kutali na Ciu-ta.

Ipo tikwenera kulongozgeka;

Patekha titondekenge.

Maungano ghakupa cigomezgo;

Kukhozga cipulikano.

Kuticiska mu milimo yiwemi,

Ntheura tikukoleska.

Ticitenge malanguro gha Ciu-ta;

Ticitenge khumbo lake.

M’maungano tasambira viwemi;

Na kutemwa unenesko.

2. Ciu-ta wakumanya ukavu withu;

Tilondezge fundo zake.

Kuwungana ni nthowa ya vinjeru;

Tikuthemba Mazgu ghake.

Ulongozgi wa awo ŵakumopa,

Nchovwiro m’cipulikano.

Tili mu mbumba ya cipulikano,

Kuti tili tekha cara.

Apo tikulindilira viwemi,

Tili na ŵakutemweka.

Pa maungano tasambira kuŵa

Na vinjeru vyakucanya.