Kalendara ya 2011 Yikulongora Nyengo Yakusopera ya Mbumba

Mutu wa kalendara ya Ŵakaboni ŵa Yehova ya 2011 ngwakuti Nyengo Yakusopera ya Mbumba. Kalendara iyi yikulongora vithuzithuzi vya mbumba za mazuŵa ghano na za mu nyengo yakale. Yikulongoraso ŵateŵeti ŵa Yehova awo mbakutorana na ŵambura kutora panji kutengwa ŵakuŵazga Mazgu ghake.

Ŵanthu ŵa mu Baibolo awo ŵalongoreka mu kalendara iyi ŵakatemwanga dango la Yehova, ndipo ici cikaŵawovwiranga kuti ŵazizipizge masuzgo agho ŵakakumananga nagho. (Salmo 1:2, 3) Apo tizamuwona cithuzithuzi cilicose, tizamukumbuskika kuzirwa kwa Nyengo Yakusopera ya Mbumba, kwali tili mu mbumba iyo muli ŵanthu ŵanandi panji yayi, kwali tose tili Ŵakaboni ŵa Yehova panji yayi. Pa kalendara iyi pali mpata wakuti mulembepo zuŵa ilo mbumba yinu yasankha kuti yiŵe ya Nyengo Yakusopera ya Mbumba. Kasi mwalembapo?