LAYIBULARE YA PA INTANETI ya Watchtower

LAYIBULARE YA PA INTANETI ya Watchtower

LAYIBULARE YA PA INTANETI

“Ŵapositole na Ŵalara Ŵakawungana Pamoza”

“Kuchitira Ukaboni Mwakukwana vya Ufumu wa Chiuta”
- CHIGAŴA 5 • MILIMO 15:1-35
  
  “Ŵapositole Na Ŵalara Ŵakawungana Pamoza”
  
  MILIMO 15:6
  
  Pakawuka nkhani yakusuzga iyo yikate yitimbanizgenge mtende na umoza mu mipingo. Kasi mipingo yikawusanga nkhu ulongozgi wakumazgira nkhani iyi? Mu chigaŵa ichi, tiwonenge umo mpingo wakwambilira ukenderanga, ndipo ndivyo ŵanthu ŵa Chiuta mazuŵa ghano ŵakwenera kulondezga.

‘Ŵakagazgana Nawo Chomene’

“Kuchitira Ukaboni Mwakukwana vya Ufumu wa Chiuta”
- VISAMBIZGO VYA AWO ŴAKAKHOZGERANGA CHIYUDA
  
  Wupu wakulongozga wa mu nyengo ya Ŵakhristu ŵakwambilira ukati wamazga nkhani yakukhwaskana na ukotoli, ŵanthu ŵanyake awo ŵakajichemanga Ŵakhristu, ŵakaŵa na nkhwesa chomene ŵakalutilira kususka pa nkhani iyi. Mpositole Paulosi wakachema ŵanthu aŵa kuti “ŵabali ŵatesi” awo ŵakakhumbanga “kutimbanizga makani ghawemi gha Khristu.”—Gal. 1:7; 2:4; Tito 1:10.
  
  Chilato cha awo ŵakakhozgeranga Chiyuda chikaŵa chakuti ŵakondweske Ŵayuda, mwakuti ŵaleke kususka na kutinkha Chikhristu. (Gal. 6:12, 13) Ŵanthu aŵa ŵakatenge munthu wangaŵa murunji pekha para wakuchita milimo ya mu Dango la Mozesi pa vinthu nga ntchakurya, ukotoli, na viphikiro vya Ŵayuda.—Kol. 2:16.
  
  Ntheura ntchakupulikikwa kuti awo ŵakagomezganga maghanoghano agha, ŵakafwatukanga yayi para pali Ŵakhristu Ŵamitundu. Chachitima ntchakuti nanga Mbakhristu ŵanyake ŵakumanyikwa awo ŵakaŵa Ŵayuda ŵakalongoranga kuti ŵakaŵa na maghanoghano ghakubudika agha. Mwachiyelezgero, awo ŵakatumika na mpingo wa mu Yerusalemu ŵati ŵafika ku Antiyoke, ŵakajipatura ku ŵabali ŵa mitundu yinyake. Petrosi nayo wakaleka kuchita vinthu na Ŵamitundu, nga nkhurya nawo. Enya, wakatondeka kulondezga fundo izo wakakhozgeranga pakwamba. Paulosi wakachenya Petrosi pa chifukwa ichi.—Gal. 2:11-14.